2015թ. Թուրքիայում միջին հաշվով օրական սպանվել է 4 մարդ

Իրավական07:46, 25 Հունվար 2016

2015թ. Թուրքիայում միջին հաշվով օրական սպանվել է 4 մարդ

2015թ. Թուրքիայում յուրաքանչյուր օր 4 մարդ է սպանվել, iսկ սպանությունների հիմնական պատճառները եղել են փողն ու արժանապատվությունը: Թուրքական «Hürriyet» թերթի կայքի համաձայն՝ կազմակերպված հանցագործություններն անցյալ տարի կազմել են ընդամենը 2 տոկոս, սերիական հանցագործություններ չեն գրանցվել:

Ըստ պաշտոնական տվյալների՝ 2015թ. այդ երկրում սպանվել է 1.542 մարդ: Համեմատության համար նշենք, որ 2014թ. սպանվածների թիվը կազմում էր 1.433: Հանցագործությունների թիվն աճել է հատկապես խիտ բնակեցված վայրերում, իսկ համեմատաբար քիչ բնակեցված գավառներում ու շրջաններում՝ նվազել:

Ամենաշատը մեծացել է ընտանեկան բռնությունների հաճախականությունը, իսկ դրանց հետևանքով մեծ մասամբ տուժել են կանայք: Ըստ աղբյուրի՝ 2015թ. Թուրքիայում սպանվել է 369 կին, որոնցից 267-ը՝ ընտանեկան բռնությունների հետևանքով:

Կանանց մեծ մասը սպանվել է առաջին աստիճանի ազգականի (ամուսին, հայր, որդի, եղբայր) կողմից, իսկ մյուսները՝ ընկերոջ, ամուսնու, նշանածի կամ նախկին ընկերոջ: Սպանված կանանցից 27-ը գտնվելիս է եղել պետության պաշտպանության ներքո: Սպանվածներից 193-ը պատկանել են 18-ից ցածր տարիքային խմբին:

Սպանությունների 67 տոկոսը կատարվել է հրազենի միջոցով: Հաճախականության առումով երկրորդ տեղում են կտրող -ծակող գործիքներով, այնուհետև՝ բութ գործիքներով կատարված սպանությունները:

Թուրքիայում քրեական հետաքննության ոլորտում ժամանակակից տեխնոլոգիաների, դեդեկտորների, անվտանգության տեսախցիկների օգտագործման շնորհիվ հանցագործությունների բացահայտման արագությունը և որակը մեծացել է: Այսպես, 2015թ. տեղի ուենցած սպանությունների 64 տոկոսը բացահայտվել է, 6 տոկոսի դեպքում հանցագործներն անհայտ են մնացել:

Աղբյուր` Ermenihaber.am