Ըստ թուրք պատմաբանի` Ռուսաստանը մտադիր է ընդունել ցեղասպանության հերքումը քրեականացնող օրինագիծը

Ցեղասպանություն13:56, 18 Դեկտեմբեր 2015

Ըստ թուրք պատմաբանի` Ռուսաստանը մտադիր է ընդունել ցեղասպանության հերքումը քրեականացնող օրինագիծը

Թուրքիայի Սամսուն նախանգի Իլքադըմ շրջանում «Հայերը և հայկական հարցը պատմության մեջ» խորագրով հերթական ժխտողական սիմպոզիումն է անցկացվել:

Միջոցառմանը զեկույցով հանդես եկած Էրզրումի Աթաթուրքի համալսարանի նախկին դասախոս, դոկտոր, պրոֆեսոր Էնվեր Քոնուքչուն ելույթում անդրադարձել է այս տարվա նոյեմբերի 25-ին, Հայոց ցեղասպանության հերքումը քրեականացնող օրինագիծը Ռուսաստանի խորհրդարանի օրակարգ բերելուն:

Թուրք պրոֆեսորը, իր խոսքում նշելով, որ շատ հաճախ Հայկական հարցը դառնում է քաղաքական շահարկումների առարկա, ասել, որ թուրք-ռուսական ճգնաժամի պայմաններում Ռուսաստանը մտադիր է ընդունել վերոնշյալ օրինագիծը:

Ըստ թուրքական «Milliyet» թերթի կայքի` Հայոց ցեղասպանության իրողությունը հերքող Քոնուքչուն, նշել է, որ եթե նույնիսկ եղել են կոտորածներ, ապա դրանց միակ մեղավորը Թուրքիան չէ:

Իր ելույթում բոլոր հնարավոր ու անհնար փաստարկումներով մերժելով ցեղասպանությունը` թուրք պատմաբանը փորձել է ցույց տալ, թե «ինչքան անհիմն» կլինի Ռուսաստանի խորհրդարանի կողմից Հայոց ցեղասպանության մասին օրենքի հնարավոր ընդունումը:

Աղբյուր` Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։