Հոդված07:24, 25 Նոյեմբեր 2015
Հաքան Աքսայ. «Թուրքիան դարձավ ամենաշատ քննադատվող և ամենաշատ բարկացնող երկիրը»
Թուրքական ընդդիմադիր լրատվամիջոցներից «T24» լրատվական կայքում սյունակագիր, մոսկովյան թղթակից Հաքան Աքսայը այսօր ներկայացրել է իր դիտարկումները Թուրքիայի օդուժի կողմից ռուսական ինքնաթիռ խոցման վերաբերյալ:
«Ինքնաթիռի խոցումը եղավ Էրդողան-Դավութօղլու զույգի ղեկավարության ամենալուրջ սխալը արտաքին քաղաքականության մեջ» հոդվածում հեղինակը հայտնում է իր զարմանքը, զայրույթը և ափսոսանքը: Ընդգծում է, որ մի րոպեում մեծ արագությամբ սկսվեց արատավորվել Թուրքիայի մասին ընկալումը Ռուսաստանում:
«Այսօր Թուրքիան դարձավ ամենաշատ քննադատվող և ամենաշատ բարկացնող երկիրը: Ռուսները ցնցված են այն բանից, որ թուրքերը կրակ են բացել իրենց վրա: Եթե անգամ որոշ հարցերում տարաձայնություններ ունեն իրար հետ, բայց չէ՞ որ բազմաթիվ ոլորտներում գործընկերներ են, լավ հարևան, նույնիսկ բարեկամներ են»,- գրում է հեղինակը և շեշտում, որ 26 տարի ապրելով Ռուսաստանում երևբևէ չի տեսել, որ Թուրքիա (Турция) բառը այս աստիճան նողկանքով արտաբերվի կամ գրվի:
Հոդվածագիրը հիշեցնում է, որ առանց այդ էլ ոչ վաղ անցյակում Անկարան 2 անգամ խիստ բարկացրել է Կրեմլին, բայց վերջինս համբերատարություն է դրսևորել և չի բորբոքել իրավիճակը:
1. Երբ 2012 թվականին Մոսկվայից Դամասկոս թռչող ռուսական ինքնաթիռին Թուրքիան ստիպեց հարկադիր վայրէջք կատարել:
2. Երբ Էրդողանը ռուս-ուկրաինական հակամարտության գոտում մալայզական ինքնաթիռի կործանումը վերագրեց ռուսներին՝ առանց փաստարկված հիմքերի:
«Բայց հիմա արդեն իրավիճակը այլ է: Ռուսաստանի առաջնորդ Պուտինը հստակ հայտարարեց, որ իրենց ինքնաթիռի խոցումը «լրջորեն կազդի Թուրքիայի հետ հարաբերությունների վրա»: Այս անգամ արդեն լրիվ այլ էին նրա թե դիմագծերի խաղը, թե ժեստիկուլացիան»,- նկատել է տալիս Աքսայը:
Վերջինս հարց է բարձրացնում, թե ինչ կանի հիմա Ռուսաստանը, կդադարեցնի՞ գազի մատակարարումը: Ըստ նրա՝ ոչ, Ռուսաստանը նման քայլի չի գնա, քանի որ դրանից ինքն էլ ֆինանսական վնասներ կկրի: Բայց որ հաստատ պատասխան քայլեր ու գործողություններ կլինեն, դրանում կասկած չկա: Հոդվածի հեղինակը հավանական է համարում, որ Մոսկվան կսկսի սերտացնել քրդերի հետ հարաբերությունները:
«Բացի այդ Ռուսաստանի ազդեցությամբ դժվարություններ կարող են առաջանալ «Թուրքական հոսքի», բնական գազի սակագնի, Հայկական հարցի թեմաներում: Մի օրում մի քանի տարի հետ նետվեցինք: Ռուսաստանի հետ լուրջ խնդիրներ ենք ունենալու»,- եզրափակում է թուրք վերլուծաբանը:
Այս ենթաբաժնի վերջին նորությունները
2024թ առաջին եռամսյակում Թուրքիայից Հայաստան արտահանումերը կազմել են 124.000 դոլար:
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ermenihaber.am-ը ներկայացնում է թուրք լրագրող-գրող Նևզաթ Օնարանի՝ «Համիդիեից ապրիլի 24» խորագրով հոդվածի հայերեն թարգմանությունը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Տնտեսական համագործակցության և զարգացման կազմակերպությունը (OECD) հրապարակել է Թուրքիայի գնաճի կանխատեսումների վերաբերյալ զեկույց։
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |