Տարածաշրջան21:55, 27 Մայիս 2015
Դավութօղլու. «Քրդին, թուրքին, արաբին օգուտ կարո՞ղ է լինել մեկից, ում ընկերը Հայկական սփյուռքն է»
Թուրքիայում հունսի 7-ին տեղի են ունենալու խորհրդարանական ընտրություններ: Թուրքիայի իշխող «Արդարություն և զարգացում» կուսակցության (ԱԶԿ-AKP) նախագահ և Թուրքիայի վարչապետ Ահմեթ Դավութօղլուն նախընտրական արշավի շրջանակներում մասնակցել է Բաթմանում կուսակցության անցկացրած հանրահավաքին:
Դավութօղլուն ելույթի ժամանակ հիշեցրել է, որ Հայկական սփյուռքը ընտրությունների ընթացքում աջակցություն է հայտնել քրդամետ «Ժողովուրդների դեմոկրատական կուսակցությանը» (ԺԴԿ-HDP):
Ինչպես տեղեկացնում է թուրքական «Anadolu» պետական լրատվական գործակալությունը, Դավութօղլուն նշել է, որ ԺԴԿ-ին աջակցելու են Ֆրանսիայի կոմունիստական կուսակցությունը, նախկին ազգայնականները, հեղափոխականները, զուգահեռ կառույցի ներկայացուցիչները (գյուլենականներ-խմբ.), ազգին «պարապ-սարապ» պիտակներ փակցնողները:
Դավութօղլուն իր ելույթը սկսել է «Ասա` ով է ընկերդ, ասեմ՝ ով ես դու» հայտնի ասացվածքով, ապա` շարունակել . «Քրդին, թուրքին, արաբին օգուտ կարո՞ղ է լինել մեկից, ում ընկերը Հայկական սփյուռքն է: Քրդին, արաբին, թուրքին օգուտ կարո՞ղ է լինել մեկից, ում ընկերը այս ազգին պիտակավարում է: Զուգահեռ կառուցից աջակցությունն ակնկալող ԺԴԿ-ից ժողովրդին օգուտ կլինի՞»:
Ըստ Դավութօղլուի՝ «Ազգայանական շարժում» (ԱՇԿ-MHP) կուսակցությունը, <Ժողովրդահանրապետական կուսակցությունը» (ԺՀԿ-CHP) և ԺԴԿ-ն, Քանդիլը («Քուրդիստանի բանվորական» կուսակցության կենտրոնը Հյուսիսային Իրաքում-խմբ.), հայկական լոբբին, միջազգային լոբբիստական կազմակերպությունների լրատվամիջոցները, բոլորը միավորվել են ԱԶԿ-ին հարվածելու նպատակով:
Վարչապետը ներկաներին վստահեցրել է, որ հունիսի 8-ին, երբ ԱԶԿ-ն ստանա ժողովրդի քվեն, կուսակցության օրակարգի առաջին հարցը կրկին քրդական հարցի կարգավորումը:
«Քրդերն ընտրական շեմն անցնելու խնդիր չունեն, նման խնդիր ունի ԺԴԿ-ն, քանի որ կա ԱԶԿ, որը ներկայացնում է և՜ թուրքերին, և՜ քրդերին, և՜ արաբներին»,- եզրափակել է վարչապետը:
Հիշեցնենք, որ օրեր առաջ Եվրոպայի Հայկական Ֆեդերացիան (EAFJD) հունիսի 7-ին Թուրքիայում կայանալիք խորհրդարանական ընտրություններում աջակցություն էր հայտնել քրդամետ կուսակցությանը՝ Եվրոպայում բնակվող Թուրքիայի քաղաքացիներին կոչ անելով քվեարկել ԺԴԿ-ի օգտին:
Այս ենթաբաժնի վերջին նորությունները
Սեյեդ Աբբաս Մուսավի. «Ադրբեջանն ուզում էր բաց ճանապարհ՝ առանց հայկական վերահսկողության, ինչը, բնականաբար, անընդունելի էր»։
Ըստ Քուրթուլմուշի՝ անկասկած է, որ Ադրբեջանի և Հայաստանի միջև կարգավորումը միևնույն ժամանակ վերջ է դրել ԵԱՀԿ Մինսկի խմբի գործունեությանը։
Անտառային հրդեհների հետևանքով տարհանվել է 6 թաղամաս և 5 գյուղ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Թուրքիայի մամուլի ֆեդերացիայի նախագահը ակցիայի ընթացքում նշել է, որ Նեթանյահուն ներկայացրել է «Մեծ Իսրայել» նախագիծը, որտեղ ներառված է նաև Թուրքիայի տարածքը։
Թուրքիայի արդյունաբերության և տեխնոլոգիաների նախարարը հանդիպել է ՀԹԿՀ-ի էկոնոմիկայի և էներգետիկայի նախարարի հետ։
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |