Քաղաքական14:28, 09 Ապրիլ 2015
Թուրքիայի ԱԳՆ-ն անդրադարձել է ԵԽ-ում քվեարկվելիք Հայոց ցեղասպանության բանաձևին
Թուրքիայի արտգործնախարարության խոսնակ Թանժու Բիլգիչն անդրադարձել է ապրիլի 15-ին Եվրախորհրդարանում (ԵԽ) քվեարկության դրվելիք Հայոց ցեղասպանության վերաբերյալ նախագծին:
Թուրքական «timeturk.com» լրատվակայքի վկայությամբ՝ Բիլգիչը մասնավորապես ասել է. «Մենք մանրամասնորեն արտահայտել ենք մեր տեսակետները: Օրակարգ ենք բերել այն իրողությունը, որ խորհրդարանների կողմից այս հարցում որոշում կայացնելը ճիշտ չէ: Մեր կողմից անհրաժեշտ միջոցներ են ձեռնարկվում»:
Թուրքիայի արտգործնախարարության խոսնակը հայտարարել է նաև, որ իրենք հետևում են Հոլանդիայի խորհրդարանում Հայոց ցեղասպանության մասին նախագիծ-առաջարկների քննարկման գործընթացին:
«Մենք գիտենք, որ ապրիլի 1-ին կազմակերպված նիստի ժամանակ, որին նաև մասնակցում էր Հոլանդիայի արտգործնախարարը, այս թեմայի վերաբերյալ չորս նախագիծ է ներկայացվել: Սակայն Հոլանդիայի արտգործնախարարը նշել է, որ Հայոց ցեղասպանության վերաբերյալ որոշում կայացնելը կառավարության իրավասությունների մեջ չի մտնում»:
Ըստ Բիլգիչի՝ Հոլանդիայի արտգործնախարարը նաև ընդգծել է, որ կառավարությունները զգուշավոր են պատմական խնդիրների առումով և թեման պետք է քննարկեն մասնագետները, ինչպես նաև Հայաստանը և Թուրքիան:
«Նիստից առաջ ինչպես Հաագայի թուրքական դեսպանատան, այնպես էլ Հոլանդիայի թուրքական հասարակական կազմակերպությունների կողմից Ներկայացուցիչների պալատի կուսակցություններին և պատգամավորներին անհրաժեշտ միջնորդություններ են ուղղվել»,- հայտարարել է Թուրքիայի ԱԳՆ խոսնակը:
Այս ենթաբաժնի վերջին նորությունները
Թուրքիայի նախագահը նշել է, որ տարածաշրջանը նոր պատերազմ չի կարող հանդուրժել, անհրաժեշտ է անհապաղ կանգնեցնել Իսրայելին։
Թուրքիայի ԱԳՆ-ի հայտարարությամբ կողմերին կոչ է արվում գործել պատասխանատու կերպով ու դադարեցնել փոխադարձ հարձակումները։
Այդ մասին ՀՀ վարչապետը հատնել է Ստամբուլի հայ համայնքի հետ հանդիպման ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Տնտեսության և խաղաղության ինստիտուտը (IEP) հրապարակել է Գլոբալ խաղաղության ինդեքսի 2025 թ. առաջին կիսամյակի արդյունքները:
Արհեստական բանականության կողմից հավաքագրված տվյալների հիման վրա պատրաստվել է զեկույց։
Պետդեպը հորդորել է չայցելել Թուրքիայի հարավ-արևելյան նահանգներ և չմասնակցել ցույցերի։
Ադրբեջանցիներին հաջորդում են թուրքմենները (9.8%), ուզբեկները (7.6%), ռուսները (7.5%) և իրանցիները (5.9%)։
Թուրքիայի նախագահականը հանդես է եկել հերքող տեղեկատվությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |