Քաղաքական12:43, 16 Մարտ 2015
Եվրապատգամավորի հարցազրույցը «Ermenihaber.am»-ին. «Ծնունդով թուրք լինելս ինձ պարտավորեցրեց գնալ Ծիծեռնակաբերդ»
Օրերս Երևանում էր Գերմանիայի Դաշնային Հանրապետության Բունդեսթագի պատգամավոր «Դաշինք 90/Կանաչներ» կուսակցության համանախագահ Ջեմ Օզդեմիրի գլխավորած պատվիրակությանը:
Եվրոպայի խորհրդարանի անդամ ազգությամբ թուրք պատգամավոր Ջեմ Օզդեմիրը «Ermenihaber.am»-ի հետ զրույցում խոսեց իր այցի նպատակի, ինչպես նաև հայ- թուրքական սահմանի բացման հեռանկարների մասին:
Ըստ եվրոպացի պատգամավորի` սահմանի բացման հարցում կողմերը պետք է նախպայմաններ չդնեն. «Չնայած արձանագրությունների ստորագրմանը` Թուրքիան Ադրբեջանի ճնշման տակ չկարողացավ գործընթացը ավարտին հասցնել: Կարծում եմ սահմանի բացման հարցում կողմերը պետք է նախապայմաններ չդնեն: Հայաստանը Ցեղասպանության ճանաչման հարցը, իսկ Թուրքիան` Ղարաբաղյան հակամարտությունը պետք է որպես նախապայման չօգտագործեն»:
Օզդեմիրն արձանագրությունների չվավերացումը համարում է բաց թողնված շանս, որից երկու կողմերն էլ տուժեցին:
«Վստահ եմ սահմանի բացումը ձեռնտու է երկու կողմերի համար էլ: Գուցե դրանից հետո Թուրքիայի հայացքը սեփական պատմության հանդեպ կփոխվեր: Սա դրական ազդեցություն կունենար նաև հայ-ադրբեջանական հարաբերությունների վրա: Սահմանի փակ մնալը թերևս ինչ-որ չափով ձեռնտու է Ռուսաստանին: Այս տեսակետից Թուրքիայի վարած քաղաքականությունը տրամաբանված չէ: Կարծես թե Հայաստանին «հրում է» դեպի Ռուսաստանի կողմը»:
Այնուամենայնիվ պատգամավորը լավատես է սահմանի բացման հարցում:
«Ուշ թե շուտ սահմանը պետք է բացվի, կարծում եմ: Ու բացված սահմանն էլ կարելի է Հրանտ Դինքի անունով կոչել: Քանի որ Հրանտ Դինքը, մի գործիչ էր, որը իր ողջ կյանքի ընթացքում պայքարեց այս սահմանի բացման համար»:
Եվ վերջում «Ermenihaber.am»-ի այն դիտարկմանը, թե Օզդեմիրը այցի շրջանակներում այցելել է Հայոց Ցեղասպանության զոհերի հուշարձան և արդյոք նրա թուրքական ինքնությունը չի «խոչընդոտում» նմանատիպ այցին, պատգամավորը պատասխանեց. «Ճիշտ հակառակը: Ծնունդով թուրք լինելս ինձ պարտավորեցրեց գնալ Ծիծեռնակաբերդ»:
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էզհելը հետևյալ կոչն է հղել. «Եկե՛ք ընդունենք մեր սխալները։ Մարդասպանությամբ հպարտանալով՝ դեռ ինչքա՞ն կարող ենք առաջ գնալ»:
Այդ մասին հայտնում են Թուրքիայի պաշտպանության նախարարության աղբյուրները։
Ճապոնացի պաշտոնյաները հետաքրքրված են մասնավորապես «Bayraktar TB2» անօդաչու թռչող սարքերով։
Սեյեդ Աբբաս Մուսավի. «Ադրբեջանն ուզում էր բաց ճանապարհ՝ առանց հայկական վերահսկողության, ինչը, բնականաբար, անընդունելի էր»։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |