Տնտեսական16:52, 17 Սեպտեմբեր 2025
Թուրքիան և Չինաստանը քննարկում են էներգետիկ ոլորտում նոր համագործակցության հնարավորությունները
Թուրքիայի էներգետիկայի և բնական պաշարների նախարար Ալփարսլան Բայրաքթարը հայտնել է, որ նախորդ շաբաթ Շանհայի համագործակցության կազմակերպության գագաթաժողովի ժամանակ տեղի ունեցած հանդիպումներում քննարկվել են Թուրքիայի և Չինաստանի միջև համագործակցության հնարավորությունները։
Նախարարը նշել է, որ Չինաստանի հետ քննարկվել են կոնկրետ նախագծեր՝ ընդգծելով, որ էներգետիկայի ոլորտում Թուրքիան ունի խոշորածավալ նախագծեր իրականացնելու կարողություն։
«Քննարկվող կոնկրետ նախագծերից մեկը ծովային հողմաէլեկտրակայանի նախագիծն է։ Սա կլինի առաջին այդպիսի նախագիծը Թուրքիայում, և հնարավոր է այն իրականացվի չինական ընկերությունների հետ համատեղ»,- ասել է Բայրաքթարը։
Նա ընդգծել է, որ Թուրքիայում կան լուրջ հնարավորություններ էներգիայի պահպանման և մարտկոցների արտադրության ոլորտում, ապա հավելել․ «Չինական ընկերությունները մտածում են արտադրություն սկսել Թուրքիայում»։
Բայրաքթարի խոսքով՝ համագործակցության կարևոր ուղղություններից մեկը կարող է լինել նաև միջուկային էներգետիկան։
«Այս հարցով երկար տարիների բանակցային գործընթաց ունենք։ Համոզված եմ, որ սա երկու երկրների ընդհանուր շահերին համապատասխանող նախագիծ է»,- ասել է նախարարը։
Ըստ նրա՝ Թուրքիան և Չինաստանը կարող են համագործակցել նաև տարբեր տարածաշրջաններում՝ նշելով Աֆրիկան, Մերձավոր Արևելքը, Կենտրոնական Ասիան և Բալկանները։
Այս ենթաբաժնի վերջին նորությունները
Ալփարսլան Բայրաքթար. «Չինական ընկերությունները մտածում են արտադրություն սկսել Թուրքիայում»։
Թուրքիայի արդյունաբերության և տեխնոլոգիաների նախարարը նշել է, որ բարձր տեխնոլոգիական ռեակտորները կամրապնդեն երկրի էներգետիկ անվտանգությունը։
Թուրքիայի արտահանողների խորհրդի տվյալներով՝ Գերմանիա արտահանումը նախորդ տարվա համեմատ աճել է 9․4%-ով՝ հասնելով 13․1 մլրդ դոլարի:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Անիի կամուրջը, կառուցվել է 10-11-րդ դարերում հայոց արքայատոհմ Բագրատունիների կողմից։
Հաշվի են առնվել երկրների ռազմական կարողությունները, տեխնոլոգիական ենթակառուցվածքները և այլն։
Բացի Թուրքիայից զորավարժությանը մասնակցում են Պակիստանը, Կատարը, Ղազախստանը և Ուզբեկստանը։
Էրդողանը 2020-ին Թուրքիայի խորհրդարանի ամբիոնից Երուսաղեմը ներկայացրել էր որպես «մեր քաղաք»՝ նշելով դրա օսմանյան ժառանգության մասին։
Աղքատության բարձր մակարդակ է գրանցվել Հայաստանին սահմանակից Աղրը, Կարս, Իգդիր և Արդահան քաղաքներում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |