«Հրանտ Դինք» և «Գալուստ Գյուլբենկյան» հիմնադրամները կազմակերպելու են արևմտահայերենի դասեր

Մշակութային11:35, 21 Օգոստոս 2025

«Հրանտ Դինք» և «Գալուստ Գյուլբենկյան» հիմնադրամները կազմակերպելու են արևմտահայերենի դասեր

«Հրանտ Դինք» հիմնադրամը «Գալուստ Գյուլբենկյան» հիմնադրամի աջակցությամբ մեկնարկում է 2025-2026թթ․ արևմտահայերենի ուսումնառության ծրագրի առաջին փուլը։

Դասընթացները կսկսվեն սեպտեմբերի 22-ին։ Կտևեն 18 շաբաթ։ Դիմումների վերջնական ժամկետը սեպտեմբերի 28-ն է։ Ծրագրին կարող են մասնակցել 16 տարին լրացած անձինք։

Ծրագրի շրջանակում մասնակիցները շաբաթական 2 օր, ընդհանուր 72 ժամ, կսովորեն արևմտահայերեն։ Դասերը տեղի կունենան «Zoom» հարթակի միջոցով՝ չորս տարբեր մակարդակներով։ Դիմել կարող են բոլոր ցանկացողները՝ անկախ լեզվի իմացության աստիճանից։

Սկսնակ մակարդակում մասնակիցները կսովորեն հայոց այբուբենը, կծանոթանան հնչյուններին, կսովորեն գրել ու կկարողանան կազմել պարզ նախադասություններ՝ օգտագործելով ներկա և ապառնի ժամանակները։

Երկրորդ մակարդակում ուսանողները կզարգացնեն ընթերցանության և լսածը հասկանալու կարողությունները, կավելացնեն բառապաշարը և կկարողանան նախադասություններ կազմել անկատար անցյալ և ապառնի ժամանակներով։

Երրորդ մակարդակում շեշտը դրվելու է խոսքի ընկալման և ինքնարտահայտման հմտությունների, ինչպես նաև տարբեր բայաձևերի կիրառման վրա։

Չորրորդ մակարդակում մասնակիցները կշարունակեն զարգացնել ընկալման և արտահայտվելու կարողությունները և կխորացնեն գիտելիքները բարդ բայաձևերի և ժամանակների վերաբերյալ։

Աղբյուր` Agos.com.tr

Այս ենթաբաժնի վերջին նորությունները

11:35, 21 օգոս

«Հրանտ Դինք» և «Գալուստ Գյուլբենկյան» հիմնադրամները կազմակերպելու են արևմտահայերենի դասեր

Մեկնարկում է 2025-2026թթ․ արևմտահայերենի ուսումնառության ծրագրի 1-ին փուլը։ Դասընթացները սկսվելու են սեպտեմբերի 22-ին և տևելու՝ 18 շաբաթ։

15:44, 05 օգոս

Թուրքիայում փորձել են հրկիզել Սուրբ Սոֆիա տաճարը (Տեսանյութ)

Մզկիթում այրվող գիրքն ու գորգը նկատել է մի կին և սկսել բղավել։

11:25, 01 օգոս

Մալաթիայի Սուրբ Երրորդություն հայկական եկեղեցում տեղի է ունեցել պսակադրության արարողություն

Անատոլիայի հայ համայնքների վերակացու և Հաթայի եկեղեցու հոգևորական Հայր Ավետիս Թաբաշյանը Վարդավառի տոնի (Քրիստոսի Պայծառակերպության տոն) առթիվ այցելել է Մալաթիա: