Տնտեսական11:54, 14 Հուլիս 2025
Թուրքիան հրապարակել է իր սահմանակից երկրների հետ առևտրի ցուցանիշները
Թուրքիայի առևտրի նախարարությունը և արտահանողների միությունը հրապարակել են 2025-ի 1-ին կիսամյակում սահմանակից հարևան երկրների արված արտահանման ծավալների վերաբերյալ տվյալներ։
Թուրքիայի արտահանման ծավալները սույն թվականի հունվար-հունիս ամիսներին ընդհանուր առմամբ կազմել են 131 մլրդ 440 մլն դոլար և նախորդ տարվա համեմատ աճել 4.1%-ով։
Իսկ մասնավորապես սահմանակից երկրներ՝ Ադրբեջան, Բուլղարիա, Վրաստան, Իրաք, Իրան, Սիրիա և Հունաստան արված արտահանման ծավալները հասել են 13.3 մլրդ դոլարի։ Նշվում է, որ 2024-ի նույն ժամանակահատվածում հարևան երկրների հետ արտահանման ծավալները կազմել էին 12 մլրդ 679 մլն, այսինք 2025-ին արտահանման ցուցանիշն աճել 4.8%-ով։
Հարևան երկրներից Թուրքիան ամենաշատ արտահանումն իրականացրել է Իրաք` 5 մլրդ դոլար։ Իրաքին հաջորդում են 2.2 մլրդ դոլարով Բուլղարիան, 1.8 մլրդ դոլարով Հունաստանը և 1.7 մլրդ դոլարով Վրաստանը։
Տարեկան արտահանման ամենամեծ աճը գրանցվել է Սիրիայում (45%), Հունաստանում (13.5 %) և Ադրբեջանում (8.8%)։
Հրապարակած տվյալներում Նախիջևանի հետ առևտուրը չի ներառվում, քանի որ պաշտոնական տվյալներ չկան, իսկ Հայաստանին անդրադառնալիս ընդգծվում է, որ ուղիղ ցամաքային առևտուր չկա:
Հիշեցնենք, որ Թուրքիայի առևտրի նախարարության և արտահանողների միության հրապարակած տվյալների հիման վրա թուրքական պետական «Anadolu» լրատվական գործակալությունը ավելի վաղ հրապարակել էր 2025-ի առաջին եռամսյակում Թուրքիայի սահմանակից երկրներ արված արտահանման ծավալների ցուցանիշները։
Այդտեղ նշվում էր, որ 2025-ին Թուրքիայից Հայաստան արտահանումը կազմել է 106.000 դոլար։
Այս ենթաբաժնի վերջին նորությունները
Թուրքիայի էներգետիկայի և բնական հանածոների նախարար Ալփարսլան Բայրաքթարը Մասկատում հանդիպել է օմանցի իր գործընկերոջ հետ:
Նշվում է, որ տարեկան արտահանման ամենամեծ աճը գրանցվել է Սիրիայում (45%), Հունաստանում (13.5 %) և Ադրբեջանում (8.8%)։
Թուրքիայի նախագահը նաև անդրադարձել է ռուս-ուկրաինական հակամարտությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահը հեռախոսազրույց է ունեցել ԱՄԷ-ի իր գործընկերոջ հետ:
Թուրքիայի նախագահը նշել է, որ շարունակում են աջակցել Հարավային Կովկասում կայուն խաղաղություն հաստատելու ջանքերին։
Նշվում է, որ տարեկան արտահանման ամենամեծ աճը գրանցվել է Սիրիայում (45%), Հունաստանում (13.5 %) և Ադրբեջանում (8.8%)։
Ադրբեջանի նախագահը նշել է, որ գազամատակարարումը նախատեսվում է իրականացնել մոտ ապագայում։
Սենատի արտաքին հարաբերությունների հանձնաժողովի նախագահ Ջեյմս Ռիշը նշել է, որ վճռական է տրամադրված այդ հարցում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |