Ֆիդանը խոսել է տարածաշրջանում Թուրքիա-Պակիստան-Ադրբեջան համագործակցության մասին

Քաղաքական11:22, 10 Հուլիս 2025

Ֆիդանը խոսել է տարածաշրջանում Թուրքիա-Պակիստան-Ադրբեջան համագործակցության մասին

Թուրքիայի արտաքին գործերի նախարար Հաքան Ֆիդանը հանդիպել է Պակիստանի փոխվարչապետ և արտաքին գործերի նախարար Մուհամմադ Իսհակ Դարի հետ։ Հանդիպումից հետո կողմերը հանդես են եկել մամուլի ասուլիսով։ Ֆիդանը նշել է, որ երկու երկրների միջև բացառիկ հարաբերությունների հիմքում ընկած է ժողովուրդների միջև եղբայրական կապը։

Անդրադառնալով երկկողմ տնտեսական հարցերին՝ Ֆիդանը նշել է, որ աշխատանքներ են տարվում, որպեսզի Թուրքիայի ու Պակիստանի միջև առևտրաշրջանառության ծավալները հասնեն 5 մլրդ դոլարի և հավելել, որ գնահատվում են նաև համագործակցության մեխանիզմերը հանքարդյունաբերության, բնական գազի ու նավթի և հազվագյուտ մետաղների ոլորտներում։

Ըստ Թուրքիայի արտաքին գործերի նախարարի՝ երկու երկրների միջև օդային կապը շարունակում է արդյունավետ գործել ու հավելել է, որ բացի օդային կապից առևտրի համար կարևոր են նաև ծովային, ցամաքային և երկաթուղային կապերը, որոնք պետք է ավելի ամրապնդվեն։

Անդրադառնալով ռազմարդյունաբերության ոլորտին՝ Ֆիդանը ընդգծել է, որ առաջիկայում ցանկանում են ամրապնդել այդ ոլորտում համագործակցությունը։ Նրա գնահատմամբ՝ դա երկու երկրների համար անվտանգության տեսակետից կարևոր ռազմավարական քայլ կլինի։

Ըստ Թուրքիայի արտգործնախարարի՝ տարածաշրջանում ճգնաժամերը կրկին ցույց են տվել Թուրքիայի և Պակիստանի միջև համերաշխության գերկարևորությունը և ընդգծել է, որ կան շատ կարևոր քայլեր, որոնք պետք է ձեռնարկվեն տարածաշրջանում խաղաղության, անդորրության և կայունության համար։

«Մենք անկեղծորեն հավատում ենք, որ պետք է համագործակցենք Պակիստանի հետ այս ուղղությամբ։ Իրոք, մեր առաջնորդները մեծ ջանքեր են գործադրում մեր տարածաշրջանում դիվանագիտությունն ու երկխոսությունը առաջնահերթ դարձնելու համար՝ Թուրքիա-Պակիստան-Ադրբեջան եռակողմ խորհրդակցական մեխանիզմի միջոցով»,-ընդգծել է Ֆիդանը։

Աղբյուր` aa.com.tr

Այս ենթաբաժնի վերջին նորությունները

11:53, 29 օգոս

Թուրքիայի խորհրդարանը Գազայի հարցով արտակարգ նիստ կգումարի

Նիստում ելույթ կունենա Թուրքիայի արտգործնախարար Հաքան Ֆիդանը, ով կներկայացնի կառավարության դիրքորոշումը Գազայի վերաբերյալ։

10:49, 29 օգոս

Թուրքիայի արտգործնախարարն անդարդարձել է հայ-ադրբեջանական խաղաղության գործընթացին

Ֆիդան. «Ձեռք բերված մի շարք պայմանավորվածությունների շնորհիվ տարածաշրջանային խաղաղության առումով շատ լավ պատկեր է ձևավորվել»:

09:44, 29 օգոս

Թուրքիայի արտգործնախարարը հեռախոսազրույց է ունեցել ամերիկացի գործընկերոջ հետ

Մարկո Ռուբիոյի հետ զրույցում Ֆիդանը նշել է, որ Թուրքիան պատրաստ է ռուս-ուկրաինական բանակցային գործընթացում անել այն, ինչն իր պատասխանատվության շրջանակներում է: