Հասարակական13:28, 04 Հուլիս 2025
Անիի Մայր տաճարը վերանորոգումից հետո կգործի որպես թուրքական մզկիթ

UNESCO-ի Համաշխարհային մշակութային ժառանգության ցանկում ներառված Անիի հնագիտական վայրում գտնվող Անիի Մայր տաճարը վերանորոգվում է։
Թուրքիայի «Anadolu» պետական լրատվական գործակալությունը հայտնում է, որ վերանորոգումից հետո Անիի Մայր տաճարը գործելու է որպես մզկիթ։
Բացարձակապես չի նշվում, որ միջնադարյան այդ քաղաքն ու եկեղեցին հայկական են։ Անիի Մայր տաճարը ներկայացվում է որպես Ֆեթհիյե մզկիթ։ Բայց և նշվում է, որ տաճարի ճարտարապետը Տրդատն է։
«Մենք Տրդատին ճանաչում ենք նաև որպես Ստամբուլի Այա Սոֆիա մզկիթի գմբեթը վերանորոգած ճարտարապետ։ Տրդատը Անիից հրավիրվել է Ստամբուլ, վերանորոգել է Այա Սոֆիայի գմբեթը, ապա վերադարձել Անի և ավարտին հասցրել այս կառույցը»,- ասում է Անիի հնագիտական վայրի պեղումների ղեկավար Մուհամմեդ Արսլանը։
Վերջնիս նաև հայտնել է, Անիի Մայր տաճարի վերանորոգումն ընթանում է 3 փուլով՝ Թուրքիայի մշակույթի և տուրիզմի նախարարության ու Համաշխարհային հուշարձանների հիմնադրամի համագործակցությամբ։ Այս տարի նախատեսվում է ավարտել 2-րդ փուլի աշխատանքները։
Նշենք, որ շուրջ 100 հեկտար տարածք զբաղեցնող Անիի ավերակներ հնագիտական վայրում են գտնվում նաև Ամենափրկիչ եկեղեցին, Տիգրան Հոնենցի եկեղեցին և Աբուղամրենց Սբ. Գրիգոր եկեղեցին։
Անիի Սուրբ Աստվածածին եկեղեցին կամ Մայր տաճարը կառուցվել է 10-րդ դարում։ Շինարարությունը սկսել է հայոց թագավոր Սմբատ 2-րդ Բագրատունին 989 թվականին, իսկ ավարտել է հայոց թագուհի Կատրամիդեն 1001 թվականին։
Այս ենթաբաժնի վերջին նորությունները

Թուրքիայում օտարերկրյա այցելուների թիվը պակասել է ավելի քան 200.000, մինչդեռ Իսպանիայում ու Հունաստանում զբոսաշրջիկների թվի աճ է նկատվում:

«Թուրքիայի վիճակագրական ինստիտուտը» տվյալներ է հրապարակել 2025թ․ հուլիսի դրությամբ երկրի աշխատաշուկայում տիրող իրավիճակի վերաբերյալ։

Նա նշել է, որ այնտեղից է ցանկանում է քայլելով հասնել մինչև Բաքու։
Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ներկայացված են իշխանական և ընդդիմադիր կայքերում հրապարակված լուրերի ու վերլուծական հոդվածների հիմնական շեշտադրումները։
Կինը Թուրքիայում դիտվել և դիտվում է որպես պետության «դաստիարակած» քաղաքացի, այլ ոչ թե պայքարող անկախ սուբյեկտ։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |