Հասարակական20:25, 09 Հունիս 2025
Թուրքիայում ծնելիության մակարդակը շարունակ ընկնում է, բնակչությունն՝ արագ ծերանում
Թուրքիայում, որի բնակչությունը մոտավորապես 86 միլիոն է, ծնելիության ցուցանիշները վերջին տասնամյակում կայուն նվազում են։ Պաշտոնական տվյալներով՝ 2024 թ․ երեխաները կազմում են ընդհանուր բնակչության միայն 25.5%-ը (21.8 մլն):
Ի պատասխան այս միտումներին՝ կառավարությունը 2025 թվականը հայտարարել է «Ընտանիքի տարի»՝ խթանելու ծնելիությունը։ Սակայն փողոցներում հարցված քաղաքացիները նշում են, որ երեխաներ չունենալու կամ քիչ ունենալու որոշումը կապված է հիմնականում երկրի սոցիալ-տնտեսական իրավիճակի հետ։
Թանկ ապրուստը, անշարժ գույքի բարձր վարձավճարները, աշխատանքի դժվար պայմանները և ապագայի անորոշությունը նշվում են որպես հիմնական պատճառներ։ Օրինակ՝ Ստամբուլում բնակվող քաղաքացիներից շատերը փաստում են, որ անգամ մեկ երեխայի կրթությունն ու զարգացումն արդեն զգալի ֆինանսական բեռ է։ Ոմանք, հատկապես կանայք, հավելում են նաև առողջական և հոգեբանական ճնշումների մասին։
Ծնելիության նվազումը հատկապես նկատելի է արևմտյան նահանգներում։ Մինչդեռ, Քրդերով բնակեցված շրջաններում՝ ինչպես Շանլըուրֆայում, բարձր ծնելիության ցուցանիշներ դեռևս պահպանվում են։
Վերջին պաշտոնական տվյալներով՝ Թուրքիայում 2024 թ․ գրանցվել է 937 հազար 559 կենդանի ծնունդ։ Վիճակագրությունները ցույց են տալիս, որ որքան բարձր է կրթական մակարդակը, այնքան ցածր է ծնելիության համարը։
Տնտեսական ճգնաժամի խորացման պայմաններում Թուրքիան, ըստ փորձագետների, արագորեն մոտենում է բնակչության ծերացման եվրոպական չափանիշներին։
Այս ենթաբաժնի վերջին նորությունները
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Թուրքիայի արդյունաբերության և տեխնոլոգիաների նախարարը հանդիպել է ՀԹԿՀ-ի էկոնոմիկայի և էներգետիկայի նախարարի հետ։
Թուրքիայի մամուլի ֆեդերացիայի նախագահը ակցիայի ընթացքում նշել է, որ Նեթանյահուն ներկայացրել է «Մեծ Իսրայել» նախագիծը, որտեղ ներառված է նաև Թուրքիայի տարածքը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էզհելը հետևյալ կոչն է հղել. «Եկե՛ք ընդունենք մեր սխալները։ Մարդասպանությամբ հպարտանալով՝ դեռ ինչքա՞ն կարող ենք առաջ գնալ»:
Այդ մասին հայտնում են Թուրքիայի պաշտպանության նախարարության աղբյուրները։
Ճապոնացի պաշտոնյաները հետաքրքրված են մասնավորապես «Bayraktar TB2» անօդաչու թռչող սարքերով։
Սեյեդ Աբբաս Մուսավի. «Ադրբեջանն ուզում էր բաց ճանապարհ՝ առանց հայկական վերահսկողության, ինչը, բնականաբար, անընդունելի էր»։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |