Հաքան Ֆիդանը Կատարում հանդիպել է ՀԱՄԱՍ-ի Շուրայի խորհրդի նախագահի և անդամների հետ

Քաղաքական11:39, 28 Ապրիլ 2025

Հաքան Ֆիդանը Կատարում հանդիպել է ՀԱՄԱՍ-ի Շուրայի խորհրդի նախագահի և անդամների հետ

Թուրքիայի արտգործնախարար Հաքան Ֆիդանը Կատարի մայրաքաղաք Դոհայում հանդիպել է ՀԱՄԱՍ-ի Շուրայի խորհրդի նախագահ Մուհամմադ Դարվիշի և Համասի Քաղաքական գրասենյակի անդամների հետ։

Թուրքիայի ԱԳՆ-ի աղբյուրների համաձայն, Ֆիդանը Դոհայում Դարվիշի և Համասի Քաղաքական գրասենյակի անդամների հետ ունեցած հանդիպման ընթացքում քննարկել է Գազայում հումանիտար իրավիճակը և հրադադարի շուրջ բանակցություններում առկա վերջին զարգացումները։

Համասի ներկայացուցիչները հանդիպման ընթացքում նշել են, որ շարունակում են ջանքեր գործադրել կայուն հրադադարի հաստատման ուղղությամբ և տեղեկություններ են փոխանցել վերջերս կայացած բանակցությունների վերաբերյալ։

Ֆիդանն էլ իր հերթին նշել է, որ Թուրքիան շարունակում է աշխատանքներն ինչպես միջազգային հարթակներում, այնպես էլ երկկողմ մակարդակով՝ Գազայում խաղաղության հաստատման ուղղությամբ։

Հանդիպման ընթացքում, անդրադառնալով Իսրայելի կողմից արդեն երկու ամիս շարունակվող հումանիտար օգնության մուտքի խոչընդոտմանը և դրա հետևանքով ստեղծված հումանիտար աղետին, ընդգծվել է, որ անհրաժեշտ է գտնել այս խնդրի հրատապ լուծում։

Աղբյուր` Ermenihaber.am