Միջազգային16:01, 23 Ապրիլ 2025
ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»
ԱՄՆ Կոնգրեսի ներկայացուցիչների պալատի անդամներ Գուս Բիլիրաքիսը և Բրեդ Շնայդերը իրենց մտահոգություն են փոխանցել ԱՄՆ պետքարտուղարություն՝ պնդելով, որ Թուրքիան կարող է ռուսական արտադրության S-400 հակաօդային պաշտպանության համակարգերը տեղափոխել Սիրիա։
Ըստ հունական «Kathimerini» պարբերականի՝ կոնգրեսականներն իրենց նամակում նշել են, որ նման քայլը կարող է վտանգավոր էսկալացիայի պատճառ դառնալ՝ անդրադառնալով Իսրայելի անվտանգության, ԱՄՆ պատժամիջոցների կիրառման վստահելիության և ամերիկյան զսպող ուժի վրա։
Ըստ նրանց՝ S-400 համակարգերի տեղակայումը Սիրիայի արևմտյան հատվածում կարող է խիստ սահմանափակել Իսրայելի գործողություններն ընդդեմ իրանական ազդեցության և լիբանանյան «Հեզբոլլահ» շարժման դեմ։ Այս իրավիճակում, ըստ կոնգրեսականների, հնարավոր է նաև Թուրքիայի և Իսրայելի ուժերի ուղիղ բախում։
Նշվում է նաև, որ եթե Թուրքիան պահպանի համակարգի նկատմամբ օպերատիվ վերահսկողությունը, ապա լարվածությունը կսրվի, իսկ եթե դրանք հանձնվեն Սիրիայի կամ նրա դաշնակից ուժերին, ապա ԱՄՆ-ի ազդեցությունն ու վերահսկողությունը կկրճատվի՝ ստեղծելով նոր ռազմավարական անկայունություն տարածաշրջանում։
Կոնգրեսականներն ընդգծում են, որ Թուրքիայից S-400-ների դուրս բերումը պատժամիջոցների խնդիր չի լուծում, քանի որ պատժամիջոցներն ուղղված էին հենց այդ համակարգերի գնմանը, այլ ոչ դրանց տեղադրման վայրին։
Բացի այդ, նրանք մեղադրում են Թուրքիայի նխախագահ Ռեջեփ Թայիփ Էրդողանին՝ Պաղեստինի Գազայի հատվածում գործող «ՀԱՄԱՍ» խմբավորման ղեկավարներին հյուրընկալելու, Իսրայելի հետ հարաբերությունները խզելու, ինչպես նաև Հունաստանի ու Կիպրոսի օդային տարածքը խախտելու մեջ՝ պնդելով, թե Թուրքիան նպաստում է տարածաշրջանային անկայունացմանը։
Հատկանշական է, որ նամակն ակտիվորեն քննարկվում է հունական մամուլում։ Նամակի հեղինակներն ավելի վաղ ևս հանդես էին եկել հակաթուրքական հայտարարություններով:
Ավելին, նախկինում նրանք խորհրդարան էին տարել «Թուրքիայի դիվանագիտական վերադասավորման ակտ» կոչվող օրինագիծը, որով պահանջվում էր Թուրքիային դասակարգել Իրանի, Սիրիայի և Լիբիայի հետ նույն դիվանագիտական կարգավիճակում՝ տեղափոխելով նրան պետդեպարտամենտի «Եվրոպայի և Եվրասիայի հարցերով բյուրոյից» «Մերձավոր Արևելքի հարցերով բյուրո»։
Այս ենթաբաժնի վերջին նորությունները
«Մենք կշարունակենք աջակցել պաղեստինցի ժողովրդի արդար և վճռական պայքարին»,-նշվել է հայտարարության մեջ»,-նշում է Թուրքիայի ԱԳՆ-ը։
Նշվում է, որ վերոնշյալ վաճառքը կբարձրացնի Ուկրաինայի կարողությունը՝ դիմակայելու առկա և ապագա սպառնալիքներին։
Տիեզերակայանի նախագիծը կարժենա 350 մլն դոլար և շինարարությունը կավարտվի 2 տարում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Ռումինիայի պաշտպանության նախարար Իոնուտ Մոստեանուն կոչ է արել Ռումինիայի, Բուլղարիայի և Թուրքիայի միջև ստեղծված ականազերծման գործադիր խմբի լիազորությունները ընդլայնել:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Թուրքիայի մամուլի ֆեդերացիայի նախագահը ակցիայի ընթացքում նշել է, որ Նեթանյահուն ներկայացրել է «Մեծ Իսրայել» նախագիծը, որտեղ ներառված է նաև Թուրքիայի տարածքը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |