Քաղաքական12:31, 18 Ապրիլ 2025
Yeni Şafak. «ՀԿԹՀ-ում իսրայելական և հունական որոշ ուժեր Թուրքիայի դեմ թշնամանք են հրահրում»
Թուրքիայում գործող մերձիշխանական «Yeni Şafak» թերթում հոդված է հրապարակվել, որում խոսվում է գլխավոր ընդդիմադիր ուժը համարվող «Ժողովրդահանրապետական կուսակցության» (ԺՀԿ-CHP) գործողությունների մասին:
Իբրահիմ Քարագյուլը նախ նշում է, որ այդ կուսակցությունն Իսրայելի, Հունաստանի և Կիպրոսի հետ Թուրքիայի դեմ դաշինք է ստեղծել՝ այն անվանելով «Ճակատ»:
Ընդգծվում է նաև այն, որ ԺՀԿ-ն գործում է և, ըստ հեղինակի, դաշինք է կնքել այնպիսի երկրների հետ, որոնք տարիներ ի վեր Մերձավոր Արևելքում և Էգեյան ծովում համատեղ զորավարժանքներ են անում, կնքում ռազմական համաձայնագրեր, իսկ հիմա էլ հենց այդ կուսակցությանն օգտագործում են Թուրքիայի դեմ:
ԺՀԿ-ի ղեկավար Օզգյուր Օզելին ուղղված վիրավորանքներից և այլ ներքին խնդիրներին անդրադառնալուց զատ խոսվել է նաև Հյուսիսային Կիպրոսի ինքնահռչակ թուրքական հանրապետության (ՀԿԹՀ) մասին:
Այս համատեքստում նշվել է, որ այդ «Ճակատի» գործողությունները հասել են նաև ՀԿԹՀ և այն երևան է եկել նախ դպրոցներում գլխաշորերի արգելքի սահմանմամբ:
Հոդվածագիրը պնդում է, որ այժմ ՀԿԹՀ-ում մարդիկ կան, ովքեր գործում են Աթաթուրքի գաղափարախոսության ներքո, սակայն ակնհայտ գործում են «Ճակատի» համար:
Նրա խոսքով՝ այդ մարդիկ ՀԿԹՀ-ում Թուրքիայի նկատմամբ թշնամանք են սերմանում:
«Կարելի է ասել «Օկուպանտ Թուրքիա, հեռացի՛ր Կիպրոսից» ակնհայտ մարտահրավերը վերածվել է Թուրքիայի դեմ թշնամանքի»,-հավելում է Քարագյուլը:
Հոդվածում հեղինակն ընդգծում է նաև, որ այդ մարդկանց մեջ ԺՀԿ-ականներ կան և դրանք բոլորն էլ աշխատում են Իսրայելի, Կիպրոսի և Հանաստանի համար՝ նրանց անվանելով «Ներքին օկուպանտ կառույց»:
Այս ենթաբաժնի վերջին նորությունները
Ֆիդանն ու շեյխ Ալ Սանին զրույցի ընթացքում քննարկել են Գազայում հրադադարի ապահովմանն ուղղված ջանքերը:
Հայտարարության մեջ հնչել է տարածաշրջանային պատերազմի վտանգի մասին զգուշացում։
Թուրքիայում իշխող կուսակցության խոսնակը նշել է, որ Իսրայելի այս հարձակումը ոչ մի օրինականություն կամ հիմնավորում չի կարող ունենալ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Իսրայելի կողմից իրանական ռազմավարական օբյեկտների վրա իրականացված հարձակման հետևանքով նավթի միջազգային շուկաներում գները զգալիորեն բարձրացել են։
Ֆիդանն ու շեյխ Ալ Սանին զրույցի ընթացքում քննարկել են Գազայում հրադադարի ապահովմանն ուղղված ջանքերը:
Թուրքական աղբյուրների հաղորդմամբ՝ ինտերնետի արագությունը զգալիորեն նվազել է, իսկ հեռավար կապի որոշ ծառայություններում նկատվել են խափանումներ։
Քամու առաջին էլեկտրակայանը գործարկվել է 1998 թվականին՝ Իզմիրի Չեշմե շրջանում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |