Ռազմական09:37, 09 Ապրիլ 2025
Թուրքիան և Իսրայելը բանակցում են Սիրիայում «բախումներից զերծ գիծ» ստեղծելու շուրջ
«Middle East Eye»-ի հաղորդմամբ՝ Թուրքիան և Իսրայելը Սիրիայում իրենց ռազմական ստորաբաժանումների միջև հնարավոր բախումներից խուսափելու նպատակով բանակցություններ են վարում «բախում չենթադրող գիծ» սահմանելու վերաբերյալ։
Թուրք-իսրայելական շփումների վերաբերյալ լավատեղյակ աղբյուրներից մեկն էլ, ինչպես նշվում է թուրքական մամուլում, հաստատել է, որ նման բանակցություններ իսկապես ընթանում են։
Լուրերի հաստատմանը զուգահեռ որպես կոորդինացված գործընթացի առկայության օրինակ նշվում է Թուրքիայի արտգործնախարար Հաքան Ֆիդանի և Իսրայելի վարչապետ Բենիամին Նեթանյահուի հայտարարություններն այն մասին, որ իրենք բախումներ չեն փնտրում միմյանց հետ:
Նշվում է նաև, որ Իսրայելը կարող է ընդունել թուրքական ներկայությունը Համայի և Պալմիրայի հատվածներում՝ չհարձակում պայմանավորվածության շրջանակներում։
Հիշեցնենք, որ նախորդ շաբաթ Իսրայելի ռազմաօդային ուժերը հարվածել էին Սիրիայի Համան և Տիասի (T4) ռազմակայաններին։ Նշված «T4» ռազմաբազայում Թուրքիան նախատեսում է մոտ ապագայում տեղակայել իր ստորաբաժանումները, այդ թվում՝ հետախուզական և հարվածային անօդաչու թռչող սարքեր (ԱԹՍ), ինչպես նաև «Hisar» տիպի հակաօդային համակարգեր։
Արևմտյան երկու պաշտոնյայի փոխանցմամբ՝ Իսրայելի վարչապետ Բենիամին Նեթանյահուն MEE-ին ասել է, որ Իսրայելը սահմանափակ ժամանակ ուներ հարձակվելու T4 բազայի վրա՝ նախքան թուրքական ուժերը կտեղակայվեին այնտեղ:
Զուգահեռաբար տեղեկություններ էին պտտվում, որ Թուրքիան նախատեսում է ռազմաբազայում տեղակայել բազմաշերտ հակաօդային պաշտպանություն՝ ներառյալ ռուսական «S-400» զենիթահրթիռային համալիրներ:
Այս ենթաբաժնի վերջին նորությունները
Անկարայում կողմերը քննարկել են ռազմարդյունաբերական համագործակցության խորացման հնարավորությունները։
Հիշեցնենք, որ վերջին շրջանում Թուրքիայի և Պակիստանի ռազմական համագործակցության խորացման մասին բազմատեսակ տեղեկություններ են շրջանառվում:
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ամերիկյան «New York Times» օրաթերթն ուշադրություն է հրավիրել Թուրքիայում աճող ավտորիտարիզմի վրա։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |