Հասարակական16:42, 07 Ապրիլ 2025
Օսմանյան բանակի հայ սպայի թոռը դարձել է Թուրքիայի քաղաքացի
Օսմանյան բանակի հայ սպա Միհրան Մեսրոպյանի թոռը՝ ամերիկահայ փաստաբան Գլեն Ֆրեդերիկ Մաթեսոնը, դարձել է Թուրքիայի Հանրապետության քաղաքացի։ Նրա պապը ծառայել է Գալիպոլիի, Սիրիայի, Պաղեստինի և Արևելյան ռազմաճակատներում։
Իշխող «Արդարություն և զարգացում» կուսակցության Գազիանթեփի պատգամավոր Ալի Շահինը կիսվել է Գլենի պատմությամբ՝ նշելով. «Հպարտ եմ, որ դեր եմ խաղացել նրա թուրքական քաղաքացիություն ստանալու ճանապարհին»։ Գլենը, ով ընտրել է «Մուրադ» անունը՝ ի պատիվ Սուլթան Մուրադի, արտահայտել է իր երջանկությունը՝ ասելով. «Սա իմ կյանքի ամենաերջանիկ պահն է»։
Ո՞վ էր Միհրան Մեսրոպյանը
Միհրան Մեսրոպյանը ծնվել է 1889 թվականին Աֆյոնքարահիսարում հայ վաճառականի ընտանիքում։ Նա ծառայել է որպես օսմանյան բանակի սպա Գալիպոլիի, Սիրիայի, Պաղեստինի և Արևելյան ռազմաճակատներում, և որպես ճարտարապետ։
Սովորել է Սանայի-ի Նեֆիսե Մեքթեբի դպրոցում, որն այժմ հայտնի է որպես Միմար Սինան գեղարվեստի համալսարան։ Ավարտելուց հետո նա 1909 թվականին նշանակվել է Իզմիրի քաղաքապետարանի գլխավոր ճարտարապետ և ղեկավարել բազմաթիվ ճարտարապետական նախագծեր քաղաքում։ Իզմիրում անցկացրած տարիներից հետո նա նշանակվել է Պալատի գլխավոր ճարտարապետ Ստամբուլում՝ Սուլթան Մեհմեդ Ռեշադի կառավարման ժամանակ։
1920 թվականին Մեսրոպյանն իր ընտանիքի հետ տեղափոխվել է Ստամբուլի Ուսկյուդար թաղամաս, իսկ 1921 թվականին կնոջ և երկու որդիների հետ արտագաղթել է Միացյալ Նահանգներ։ Այնտեղ նա դարձել է Հենրի Վարդմանի՝ ժամանակի առաջատար կապալառուներից մեկի գլխավոր ճարտարապետը, ով կառուցել է Վաշինգտոնի ամենահայտնի շենքերից մի քանիսը։ Մեսրոպյանը մասնակցել է Քարլտոն հյուրանոցի, Դյուպոն շրջանի շենքերի, Հեյ-Ադամս հյուրանոցի, Վարդման աշտարակի (այժմ գործում է որպես Մարիոթ Վարդման Պարկ հյուրանոց) և Սեդվիկ Գարդենսի նախագծման աշխատանքներին։
Սպիտակ տան դիմաց գտնվող հյուրանոցը, որն այսօր հայտնի է որպես «Սենթ Ռեջիս», դարձել է Մեսրոպյանի հայտնի շենքերից մեկը Վաշինգտոնում։ Նույնիսկ Թուրքիայի Հանրապետության հիմնադրումից հետո Մեսրոպյանը պահպանել է իր կապերը Թուրքիայի իր ընկերների հետ։
Այս ենթաբաժնի վերջին նորությունները
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Թուրքիայի արդյունաբերության և տեխնոլոգիաների նախարարը հանդիպել է ՀԹԿՀ-ի էկոնոմիկայի և էներգետիկայի նախարարի հետ։
Թուրքիայի մամուլի ֆեդերացիայի նախագահը ակցիայի ընթացքում նշել է, որ Նեթանյահուն ներկայացրել է «Մեծ Իսրայել» նախագիծը, որտեղ ներառված է նաև Թուրքիայի տարածքը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Ռումինիայի պաշտպանության նախարար Իոնուտ Մոստեանուն կոչ է արել Ռումինիայի, Բուլղարիայի և Թուրքիայի միջև ստեղծված ականազերծման գործադիր խմբի լիազորությունները ընդլայնել:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Թուրքիայի մամուլի ֆեդերացիայի նախագահը ակցիայի ընթացքում նշել է, որ Նեթանյահուն ներկայացրել է «Մեծ Իսրայել» նախագիծը, որտեղ ներառված է նաև Թուրքիայի տարածքը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |