Երևանում մեկնարկել է «Հայ-թուրքական սահմանի տնտեսական նշանակությունը» պանելային քննարկումը

Տնտեսական11:00, 27 Փետրվար 2025

Երևանում մեկնարկել է «Հայ-թուրքական սահմանի տնտեսական նշանակությունը» պանելային քննարկումը

Փետրվարի 27-ին Երևանի «Արմենիա Մարիոթ» հյուրանոցում մեկնարկել է «Հայ-թուրքական սահմանի տնտեսական նշանակությունը» խորագրով պանելային քննարկում:

Այն կազմակերպվել է հայ-թուրքական հարցերով մասնագիտացված «Ermeni haber» հարթակի կողմից։ Նպատակն է հայ-թուրքական սահմանի թեման լայն հանրությանը ներկայացնել տնտեսական ասպեկտով։ Ինչպես նաև սահմանի տնտեսական նշանակության մասին տեղեկանալու և ավելի հստակ պատկերացում կազմելու հնարավորություն տալ:

Երկու բովանդակային մասից բաղկացած քննարկման առաջին մասում տնտեսագիտության ոլորտի փորձագետները ներկայացնելու են սահմանի փակման հետևանքները, իսկ երկրորդում՝ բացման հեռանկարները։

Պանելային քննարկման բանախոսներն են՝

ՀՀ արդյունաբերության և առևտրի նախկին փոխնախարար, «Greenland Investment» ընկերության գլխավոր տնօրեն Մովսես Ձավարյանը,

ՀՀ ՊԵԿ արտաքին տնտեսական գործունեության մաքսային սպասարկման և հսկողության վարչության պետի տեղակալ Մհեր Մարտիրոսյանը,

ՀՀ էկոնոմիկայի նախարարության տնտեսական հետազոտությունների վարչության պետ Ալբերտ Հայրապետյան,

«Սոցիալ-տնտեսական զարգացման կենտրոնի» ղեկավար Գագիկ Մակարյանը,

«Հայկական ուսումնասիրությունների ինստիտուտի» ղեկավար Հրանտ Միքայելյանը:

Ermenihaber.am կայքի գլխավոր խմբագիր Մխիթար Նազարյանը հանդես եկավ բացման խոսքով, համառոտ ներկայացրեց փակ սահմանի ներկա իրողությունները։ Այնուհետև խոսքը փոխանցեց պանելի մասնակից բանախոսներին հայ-թուրքական սահմանի ռիսկայնությունը կամ շահավետությունը քննարկելու համար։

Աղբյուր` Ermenihaber.am

Այս ենթաբաժնի վերջին նորությունները

14:34, 30 ապր

Թուրքիայի զբոսաշրջության ոլորտը նոր ռեկորդներ է սահմանում

Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը: