Թուրքիան ԱՄՆ-ի արտաքին առևտրում 2-րդ առաջատար պետությունն է

Տնտեսական12:32, 14 Փետրվար 2025

Թուրքիան ԱՄՆ-ի արտաքին առևտրում 2-րդ առաջատար պետությունն է

Թուրքիայի «Արտաքին տնտեսական հարաբերությունների կազմակերպության» (DEIK) «Թուրքիա-ԱՄՆ աշխատանքային խորհրդի» (TAİK) նախագահ Մուրադ Օզյեղինը հայտարարել է, որ ԱՄՆ նոր վարչակազմի օրոք երկկողմ առևտրի ծավալներն աճելու են:

Օզյեղինի խոսքով՝ Թուրքիան այժմ ԱՄՆ-ի արտաքին առևտրի ոլորտում 2-րդ առաջատար պետությունն է Գերմանիայից հետ:

Նա հույս է հայտնել, որ Միացյալ նահանգների նոր իշխանության օրոք կթուլանան երկու երկրների միջև առևտրի հարցում առկա խոչընդոտները, ինչպես նաև ավելի կբարելավվի այդ ուղղությամբ վարվող քաղաքականությունը:

«TAİK»-ի նախագահը, վերոնշյալ կետերը համարելով երկկողմ առևտրային հարաբերությունների համար վճռորոշ գործոններ, ակնկալել է, որ Թրամփի ժամանակաշրջանում երկու երկրների միջև իրականացվող ներդրումների ծավալները մեծացնելուն միտված քննարկումները նոր թափ կհավաքեն:

Նշելով նաև, որ ԱՄՆ-ն Եվրամիության (ԵՄ) անդամ մի շարք երկրների նկատմամբ հավելյալ հարկեր և պատժամիջոցներ կարող է սահմանել, կանխատեսել է առևտրի ոլորտում Թուրքիայի դերի բարձրացման հնարավորություն:

«Այս ընթացքում հնարավոր է Թուրքիան ԱՄՆ-ի հետ ավելի հավասարակշռված առևտրային հարաբերություններ կառուցի»:

Բացի այդ նա ընդգծել է, թե հավատացած է, որ Միացյալ Նահանգների հետ ակտիվ առևտրային և ներդրումային հարաբերություններ ունեցող թուրքական ընկերություններն ամերիկյան շուկայի համար նշանակալի դրական արժեք են ձևավորելու:

Ըստ Օզյեղինի՝ 2024-ին Թուրքիա-ԱՄՆ առևտրաշրջանառությունը կազմել է 40 մլրդ դոլար, որը տարեցտարի աճում է:

Աղբյուր` Sozcu.com.tr

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։