Էրդողան. «Վերջին 20 տարում տարեկան 5 տոկոսանոց տնտեսական աճ ենք ունեցել»

Տնտեսական14:54, 11 Փետրվար 2025

Էրդողան. «Վերջին 20 տարում տարեկան 5 տոկոսանոց տնտեսական աճ ենք ունեցել»

Թուրքիայի նախագահ Ռեջեփ Թայիփ Էրդողանը ելույթ է ունեցել «Թուրքիա-Մալայզիա աշխատանքային ֆորումում»:

Էրդողանը, անդրադառնալով Թուրքիայի տնտեսությանը, նշել է, որ չնայած տարածաշրջանում տեղի ունեցած բախումներին, պատերազմներին և 2023-ի ուժգին երկրաշարժերին, երկրի տնտեսությունն աճում է:

«Վերջին 20 տարում տարեկան միջինում 5 տոկոս աճ ունեցած սակավ երկրների թվում ենք»,-հավելել է նա:

Բացի այդ Թուրքիայի առաջնորդն ընդգծել է, որ վերջին 20 տարում ենթակառուցվածքների զարգացման նպատակով 300 մլրդ դոլար ներդրում է կատարվել, իսկ արտահանումը նույն ժամանակահատվածում աճել է 20 անգամ:

Այս համատեքստում Էրդողանը խոսել է նաև 20 տարում Թուրքիայի կողմից կատարված միջազգային ներդրումների մասին, որոնք, իր խոսքով, հասնում են շուրջ 270 մլրդ դոլարի:

«Թուրքիայում օտարերկրյա կապիտալ ունեցող ընկերությունների թիվն անցնում է 6800-ը»,-ամփոփել է Թուրքայի ղեկավարը:

Հիշեցնենք, որ Էրդողանը Մալայզիա էր մեկնել փետրվարի 10-ին: Այնտեղից նախատեսվում են նաև այցեր դեպի Ինդոնեզիա և Պակիստան:

Աղբյուր` Ntv.com.tr

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։