Պուտին. ««Քրդերը լուրջ տղաներ են, լուրջ կռվողներ»

Տարածաշրջան15:32, 20 Դեկտեմբեր 2024

Պուտին. ««Քրդերը լուրջ տղաներ են, լուրջ կռվողներ»

ՌԴ նախագահ Վլադիմիր Պուտինը դեկտեմբերի 19-ին ուղիղ եթերում պատասխանել քաղաքացիների և լրատվամիջոցների ներկայացուցիչների հարցերին:

Ասուլիսի ժամանակ Պուտինն անդրադարձել է Սիրիայի հարցին և այդ համատեքստում խոսել Թուրքիայի հետ ունեցած կապի, ինչպես նաև քրդական հարցի մասին:

«Թուրքիան, ինչպես գիտենք, տասնամյակների խնդիր է ունեցել «Քուրդիստանի բանվորական կուսակցության» հետ, հուսով եմ, որ սրացում չի լինի, բայց եվրոպացի քաղաքական մի շարք գործիչներ բոլորովին վերջերս ինձ ասացին, որ առաջին համաշխարհային պատերազմից հետո քրդերին խոստացել են պետություն»:

Պուտինը, նշելով, որ Մերձավոր Արևելքում ապրում են միլիոնավոր քրդեր, ընդգծել է. «Քրդական հարցը լուրջ խնդիր է, քրդերը լուրջ տղաներ են, լուրջ կռվողներ։ Քրդական խնդիրը պետք է լուծվեր Սիրիայի նախկին նախագահի օրոք, այժմ այն պետք է լուծվի ներկայիս իշխանությունների ժամանակ, որոնք վերահսկում են Սիրիայի տարածքը, և Թուրքիան պիտի ինչ-որ կերպ ապահովի իր անվտանգությունը»։

Պուտինը նաև չի բացառել, որ Թուրքիայի զինված ուժերը ռազմական գործողություն կարող են իրականացրել Սիրիայի քրդական ուժերի դեմ, որոնց Անկարան համարում է ահաբեկչական ուժեր: Ըստ Պուտինի՝ Թուրքիան կարող է հեռացնել քրդական ջոկատներին այն տարածքներից, որոնք սահմանակից են իրեն:

Աղբյուր` NTV.com.tr

Այս ենթաբաժնի վերջին նորությունները

10:50, 12 մայ

Քրդերի ռազմաքաղաքական կառույցը վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական կուսակցությունը» մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։