ՆԱՏՕ-ի գլխավոր քարտուղարը Թուրքիայից հետո մեկնել է Հունաստան

Տարածաշրջան17:17, 26 Նոյեմբեր 2024

ՆԱՏՕ-ի գլխավոր քարտուղարը Թուրքիայից հետո մեկնել է Հունաստան

ՆԱՏՕ-ի գլխավոր քարտուղար Մարկ Ռուտեն մեկնել էր Անկարա, որտեղ հանդիպել էր Թուրքիայի նախագահ Ռեջեփ Թաիփ Էրդողանի, արտգործնախարար Հաքան Ֆիդանի և պաշտպանության նախարար Յաշար Գյուլերի հետ:

Էրդողանի հետ հանդիպմանը քննարկվել էր ռուս- ուկրաինական պատերազմը, Գազայում տիրող իրավիճակը, ահաբեկչության դեմ պայքարը, ինչպես նաև Թուրքիա-ՆԱՏՕ հարաբերություններում առկա խնդիրները: Անունը չհայտնած թուրք պաշտոնյան Reuters-ին ասել էր, որ Էրդողանի և Ռուտեի բանակցությունների օրակարգում պիտի լինեին նաև պաշտպանական մատակարարումների խոչընդոտների վերացման և ահաբեկչության դեմ ռազմական դաշինքի համատեղ պայքարի վերաբերյալ հարցեր։

Հանդիպումներին ներկա են եղել նաև Թուրքիայի նախագահականի հանրային կապերի վարչության ղեկավար Ֆահրեթթին Ալթունը և Էրդողանի արտաքին քաղաքականության և անվտանգության հարցերով խորհրդական Աքիֆ Չաղաթայ Քըլըչը:

Թուրքական աղբյուրը հայտնում է, որ պաշտոնական այցի շրջանակներում ՆԱՏՕ-ի գլխավոր քարտուղար Մարկ Ռուտեն Աթենքում հանդիպել է Հունաստանի պաշտպանության նախարար Նիկոլաոս Դենդիասի հետ:

Նշենք, որ Թուրքիան և Հունաստանը ՆԱՏՕ-ի անդամ երկրներ են։ Երկուսն էլ հյուսիսատլանտյան դաշինքին անդամակցել են 1952 թվականին։

Աղբյուր` T24.com.tr