Տարածաշրջան15:14, 29 Մայիս 2025
Էրդողան. «Մենք գոհ ենք, որ հորիզոնում Ադրբեջանի և Հայաստանի միջև խաղաղություն է երևում»
Թուրքիայի նախագահ Ռեջեփ Թայիփ Էրդողանն Ադրբեջանից վերադառնալիս պատասխանել է լրագրողների հարցերին։ Հարցուպատասխանի ընթացքում անդրադարձել է նաև Հայաստանի ու Ադրբեջանի միջև խաղաղության պայամանագրին։
«Գոհունակությամբ ենք ընդունում Ադրբեջանի և Հայաստանի միջև արվող քայլերը։ Խաղաղության պայմանագրի տեքստի հարցում համաձայնության ձեռքբերումը դիտում ենք որպես կարևոր զարգացում կայունության ճանապարհին։ Ցանկանում ենք, որ այս գործընթացն ամենամոտ ժամանակահատվածում ամբողջացվի»։
Անդրադառնալով Հարավային Կովկասին՝ Էրդողանը նշել է, որ այդ տարածաշրջանում ցանկանում են տեսնել ոչ թե հակամարտություն, այլ անդորր և խաղաղություն և ընդգծել, որ այդ մնայուն խաղաղությունից շահելու են բոլորը։
«Մենք գոհ ենք, որ հորիզոնում Ադրբեջանի և Հայաստանի միջև խաղաղություն է երևում։ Այդ գործընթացին մոտիկից ենք հետևում։ Անհրաժեշտ ներդրումն էլ կատարում ենք։ Ապահովվելիք խաղաղությունն Ադրբեջանի, Հայաստանի և մեր երկրի համար ևս արժեքավոր է լինելու»,-ընդգծել է Թուրքիայի նախագահը։
Անդրադառնալով Թուրքիա-Հայաստան հարաբերություններին՝ Էրդողանը նշել է. «Մենք էլ Հայաստանի հետ շատ ուշադիր կարգավորման գործընթացով ենք անցնում։ Երբ և՛ խաղաղություն, և՛ կարգավորում ապահովվի, տեսնելու ենք, որ մեր երկրները դրանից շահած են դուրս գալիս։ Այսինքն՝ այս հարցում խոսք չկա անգամ նվազագույն կասկածի մասին»։
Թուրքական պետական «Trthaber»-ի ընդգծմամբ Էրդողանն անդրադառնալով «Զանգեզուրի միջանցքին»՝ նշել է, որ Զանգեզուրի անցումն Ադրբեջանի համար միայն Նախիջևանի հետ ցամաքային կապ չէ, միաժամանակ Թուրքիայով թյուրքական աշխարհ հասնող նոր ինտեգրացիոն գիծ է։ Այս անցման բացումը կարճ ժամանակում ամրապնդելու է նաև Կովկասում տրանսպորտային և էներգետիկ ենթակառուցվածքը։
«Սպասում ենք, որ մեր հարևան Իրանն էլ աջակցի այս քայլերին, որ ծառայելու են մեր տարածաշրջանում անդորրին, խաղաղությանն ու զարգացմանը։ Ճիշտն ասած՝ ցանկանում ենք, որ նրանք էլ այս «շահում են բոլոր կողմերն էլ» (win-win) մթնոլորտում օգուտ ստանան։ Արվող յուրաքանչյուր քայլ, բացվող յուրաքանչյուր դուռ, միջանցք ինչպես տնտեսական օգուտ է ապահովելու, այնպես էլ ժամանակի ընթացքում երկրներին էլ ավելի է մերձեցնելու միմյանց»,-եզրափակել է Էրդողանը։
Այս ենթաբաժնի վերջին նորությունները
Թուրքիայի առողջապահության նախարարության և տարբեր քաղաքացիական ու հասարակական կազմակերպություններ տվյալներ են հրապարակել։
Թուրքիայի նախագահն անդրադառնալով Հայաստանի հետ հարաբերություններին՝ նշել է, որ Հայաստանի հետ շատ ուշադիր կարգավորման գործընթացով են անցնում։
Օդանավակայանն ունի 3000մ երկարությամբ և 60մ լայնությամբ թռիչքուղի, ինչպես նաև տերմինալ, որը կարող է սպասարկել ժամում 200 ուղևորի։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Չնայած այն պնդումներին, որ «Քուրդիստանի բանվորական կուսակցության» առաջնորդն ազատ արձակվել չի կարող, հակառակ սցենարը բացառված չէ։
Օդանավակայանի բացման արարողությանը ներկա է գտնվել նաև Պակիստանի վարչապետ Շահբազ Շարիֆը։
Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։
Թուրքիայի նախագահն անդրադառնալով Հայաստանի հետ հարաբերություններին՝ նշել է, որ Հայաստանի հետ շատ ուշադիր կարգավորման գործընթացով են անցնում։
Թուրքիայի նախագահ Ռեջեփ Թայիփ Էրդողանը Ադրբեջանից վերադառնալիս պատասխանել է լրագրողների հարցերին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |