Հունգարիայի վարչապետը պարգևատրվել է թյուրքական աշխարհի բարձրագույն շքանշանով

Քաղաքական10:51, 07 Նոյեմբեր 2024

Հունգարիայի վարչապետը պարգևատրվել է թյուրքական աշխարհի բարձրագույն շքանշանով

Ղրղզստանի մայրաքաղաք Բիշքեկում կայացած «Թյուրքական պետությունների կազմակերպության պետությունների ղեկավարների 11-րդ գագաթնաժողովի» շրջանակներում պարգևատրվել է Հունգարիայի վարչապետ Վիկտոր Օրբանը։

Օրբանին թյուրքական աշխարհի բարձրագույն շքանշան է շնորհվել Ղրղզստանի նախագահ Սադիր Չապարովի կողմից:

Ղրղզստանի նախագահական պալատում տեղի ունեցած պարգևատրման արարողությանը ներկա են գտնվել Թուրքիայի նախագահ Ռեջեփ Թայիփ Էրդողանը, Ղազախստանի նախագահ Կասիմ Ժոմարտ Տոկաևը, Ադրբեջանի նախագահ Իլհամ Ալիևը, Ուզբեկստանի նախագահ Շևքեթ Միրզոևը և «ԹՊԿ» գլխավոր քարտուղար Կուբանըչբեք Օմյուրալիևը, ինչպես նաև որպես դիտորդ պետություն Թուրքմենստանի նախագահ Սերդար Բերդիմուհամեդովը և Հյուսիսային Կիպրոսի ինքնահռչակ թուրքական հանրապետության նախագահ Էրսին Թաթարը։

Օրբանը շքանշանը ստանալուց հետո իր գոհունակությունն է հայտնել Ղրղզստանում գտնվելու առթիվ, ինչպես նաև ընդգծել, որ շքանշանի շնորհումն իր համար շատ իմաստալից է։

Արարողությունից հետո Էրդողանը շնորհավորել է Օրբանին։

Աղբյուր` Trthaber.com

Այս ենթաբաժնի վերջին նորությունները

17:16, 11 օգոս

Կայացել է Փաշինյան-Էրդողան հեռախոսազրույց

ՀՀ վարչապետը նշել է, որ Հայաստանի և Ադրբեջանի միջեւ խաղաղության հաստատումը տարածաշրջանային նոր որակի համագործակցություն հաստատելու հնարավորություն է ստեղծում։

13:07, 11 օգոս

Եգիպոստի և Թուրքիայի արտգործնախարարները քննարկել են երկողմ հարաբերությունները

Եգիպոսի արտգործնախարարը ողջունել է Թուրքիայի ներդրումները Եգիպտոսի առաջատար ոլորտներում և ընդգծել տարածաշրջանային հարցերի շուրջ համագործակցության ամրապնդման կարևորությունը։