Էրդողանն ընդունել է Իրաքյան Քուրդիստանի վարչապետին

Քաղաքական12:20, 17 Հոկտեմբեր 2024

Էրդողանն ընդունել է Իրաքյան Քուրդիստանի վարչապետին

Թուրքիայի նախագահ Ռեջեփ Թայիփ Էրդողանը նախագահականում ընդունել է Իրաքյան Քուրդիստանի վարչապետ Նեչիրվան Բարզանիին:

Թուրքական պետական «Anadolu» լրատվական գործակալության տարածած լուրերի համաձայն՝ հանդիպումն անցել է փակ ձևաչափով և դրան ներկա են եղել Թուրքիայի ԱԳ նախարար Հաքան Ֆիդանն ու «Ազգային հետախուզական ծառայության» (MİT) ղեկավար Իբրահիմ Քալընը:

Հանդիպմանն անդրադարձ է կատարվել երկկողմ հարաբերություններին, ինչպես նաև տարածաշրջանային և համաշխարհային զարգացումներին:

Թուրքիայի նախագահականի հանրային կապերի վարչության տարածած հաղորդագրության համաձայն՝ Էրդողանը հաջողություն է մաղթել Բարզանիին հոկտեմբերի 20-ին սպասվող պառլամենտական ընտրությունների առթիվ:

Նա նաև ընդգծել է այն ռիսկը, որ Իսրայելը տարածաշրջանը վերածում է համապարփակ պատերազմական գոտու:

Էրդողանը նաև ողջունել է Իրաքի ղեկավարության ջանքերը, որոնք միտված են երկիրը բախումներից հեռու պահելուն:

Թուրք ղեկավարը շեշտել է, որ «Զարգացման ճանապարհ» ծրագիրը կարևոր ներդրում է ունենալու ամբողջ տարածաշրջանի տնտեսության զարգացման, կայունության ու եղբայրության վրա և բոլոր տեսանկյուններից շահեկան է լինելու Իրաքյան Քուրդիստանի համար:

Էրդողանը ներկայացրել է, որ ծրագրով նախատեսվում է Պարսից ծոցից ցամաքային և երկաթուղային ճանապարհներով հասնել մինչև Թուրքիա և Եվրոպա:

Էրդողանի խոսքով, ծրագրի նպատակն է, Իրաքը և Թուրքիան իրար կապելով, ձևավորել համաշխարհային նշանակության առևտրային միջանցք:

Նա նաև ընդգծել է, որ այն նպաստելու է տարածաշրջանային հանգստությունը, բարօրությունն ու ներքին խաղաղությունը խաթարող ահաբեկչական վտանգի տևական չեղոքացմանը և հավելել, որ Թուրքիան մշտապես լինելու է Իրաքի և Իրաքի ժողովրդի կողքին:

Աղբյուր` Trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։