Կիպրոսի թուրքական ինքնահռչակ պետության առաջնորդն ընթրել է Գուտերեշի հետ

Քաղաքական10:01, 16 Հոկտեմբեր 2024

Կիպրոսի թուրքական ինքնահռչակ պետության առաջնորդն ընթրել է Գուտերեշի հետ

Հյուսիսային Կիպրոսի ինքնահռչակ թուրքական հանրապետության (ՀԿԹՀ) ղեկավար Էրսին Թաթարը հայտարարություն է արել «Միացյալ ազգերի կազմակերպության» (ՄԱԿ) գլխավոր քարտուղարի հետ անցկացվելիք հաջորդ հանդիպման վերաբերյալ:

Նա նշել է, որ Անտոնիո Գուտերեշի հետ համաձայնության է հասել հաջորդ հանդիպումն անցկացնել Թուրքիայի և Հունաստանի մասնակցությամբ:

Այս հայտարարությունները Թաթարն արել է ՄԱԿ-ի շենքում Գուտերեշի հրավերով ոչ պաշտոնական ընթրիքին մասնակցելուց հետո տված մամուլի ասուլիսի ժամանակ:

Այստեղ նաև նրան հարց է ուղղվել, թե ընթրիքի ընթացքում ինչպիսի հարցեր են քննարկվել ՄԱԿ գլխավոր քարտուղարի հետ և թե արդյո՞ք Գուտերեշը լավ է ընկալում, որ «ՀԿԹՀ»-ն չի հրաժարվելու իր «պետականությունից ու անկախությունից» և Կիպրոսի խնդրի լուծումը կայանում է երկու պետության ստեղծման մեջ:

Ի պատասխան լրագրողների հարցին, Թաթարը նշելով մի շարք հարցերի քննարկման մասին, տեղեկացրել է նոր տեսլական ներկայացնելու մասին, ապա պատճառաբանել.

«Որովհետև 50 տարի շարունակ դաշնային լուծման ջանքերն անհաջող եղան»,-հավելել է նա:

Թաթարը նաև ընդգծել է, որ առանց «ՀԿԹՀ»-ի անկախության հավասարության և միջազգային ստատուսի հաստատման պաշտոնական բանակցությունները չեն վերսկսվելու:

Ինքնահռչակ թուրքական պետության առաջնորդը նշել է նաև, որ Կիպրոսի նախագահ Նիկոս Քրիստոդուլիդեսի հետ կղզում հանդիպել են և որոշում կայացրել նոր սահմանային անցակետերի բացման հարցը քննարկելու վերաբերյալ:

Բացի այդ, նա հավելել է, որ դա կիրականացվի՝ երբ հունական կողմի պահանջներն իրենց համար ընդունելի լինեն:

Աղբյուր` Trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։