Թուրքիայի կառավարությունը նիստ կգումարի

Քաղաքական09:50, 14 Հոկտեմբեր 2024

Թուրքիայի կառավարությունը նիստ կգումարի

Հոկտեմբերի 14-ին Թուրքիայի նախագահ Ռեջեփ Թայիփ Էրդողանի գլխավորությամբ կգումարվի Թուրքիայի կառավարության հերթական նիստը:

Նախագահականում քննարկվելու են երկրի ներսում և երկրից դուրս տեղի ունեցող զարգացումները, օրակարգում են լինելու Իսրայելի կողմից Պաղեստինի Գազայի հատվածի և Լիբանանի ուղղությամբ իրականացվող հարձակումները:

Մասնակիցներն անդրադառնալու են նաև ստեղծված իրավիճակի հետևանքով ռազմական գործողությունների տարածաշրջանում ընդլայնվելու ռիսկերը:

Այս համատեքստում մտքեր են փոխանակվելու ռազմագործողությունների ընդլայնումը կանխելու նպատակով Թուրքիայի կողմից իրականացվելիք քայլերի շուրջ:

Օրակարգից անմասն չի մնալու նաև ահբեկչության դեմ պայքարը, երկրի ներսում և երկրի սահմաններից դուրս իրականացված գործողությունները:

Էրդողանը տեղեկություններ է փոխանցելու Ալբանիա և Սերբիա իրականացրած իր այցերի և շփումների վերաբերյալ: Անդրադարձ է կատարվելու նրա՝ բալկանյան երկրների հետ ունեցած շփումներին:

Քննարկման շրջանակների մեջ է մտնելու նա Թուրքիայի տնտեսության զարգացմանը միտված «Միջնաժամկետ ծրագրով» սահմանված նպատակների իրականացման հարցում արվելիք քայլերի վերաբերյալ:

Այս համատեքստում խոսվելու է երկրում տիրող գնաճի նվազեցմանը և ներդրումների, զբաղվածության ու ֆինանսական կայունությանը վերաբերող հարցերի մասին:

Աղբյուր` Trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։