Թուրքիան դատապարտել է Պակիստանում տեղի ուենցած ահաբեկչական հարձակումները

Քաղաքական09:23, 09 Հոկտեմբեր 2024

Թուրքիան դատապարտել է Պակիստանում տեղի ուենցած ահաբեկչական հարձակումները

Թուրքիայի արտգործնախարարությունը հայտարարություն է տարածել Պակիստանի Հյուսիսային Վեզիրիստանի շրջանում և Քարաչի քաղաքում տեղի ունեցած ահաբեկչական հարձակումների վերաբերյալ:

Հայտարարության մեջ թուրքական կողմը խստորեն դատապարտել է իրադարձությունը, ինչպես նաև ցավակցություն հայտնել զոհերի ընտանիքներին և շուտափույթ ապաքինում՝ վիրավորներին:

«Մենք խստորեն դատապարտում ենք վերջին օրերին Պակիստանի Հյուսիսային Վեզիրիստան շրջանում և Քարաչի քաղաքում տեղի ունեցած ահաբեկչական հարձակումները»,-ասվել է հայտարարության մեջ:

Ընդգծվել է նաև, որ Թուրքիան շարունակելու է աջակցել Պակիստանին ահաբեկչության դեմ պայքարի հարցում:

Նշենք, որ հոկտեմբերի 7-ին Պակիստանի հարավային հատվածում գտնվող քաղաքի Ջիննահ միջազգային օդանավակայանի մոտակայքում չինական ընկերության աշխատակիցներին տեղափոխող մեքենաների շարասյան վրա պայթյունային հարձակումներ էին իրականացվել:

Հարձակման հետևանքով 3 մարդ էր մահացել, իսկ 17-ը՝ վիրավորվել: Հարձակման իրականացումն իր վրա էր ստանձնել «Բելուչի ազատագրական բանակ» անունով կազմակերպությունը:

Բացի վերոնշյալ դեպքից ավելի վաղ էլ՝ հոկտեմբերի 5-ին Պակիստան-Աֆղանստան սահմանին գտնվող Հայբեր Պահթունհըվա նահանգի Հյուսիսային Վեզիրիստանի շրջանում էր արտակարգ դեպք գրանցվել: Պակիստանցի թալիբան զինյալների հետ բռնկված մարտում Պակիստանի 6 զինվորական էր սպանվել:

Աղբյուր` Trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։