Թուրքիայի ԱԺ նախագահ․ ԱՄՆ նախագահի խոսքերը մարդկության համար անընդունելի են

Քաղաքական10:49, 09 Հոկտեմբեր 2024

Թուրքիայի ԱԺ նախագահ․ ԱՄՆ նախագահի խոսքերը մարդկության համար անընդունելի են

Թուրքիայի խորհրդարանի նապագահ Նուման Քուրթուլմուշը ելույթ է ունեցել «2024-2025 բարձրագույն կրթության ակադեմիական տարվա բացման արարողության» ժամանակ:

Նա, անդրադառնալով Պաղեստինի Գազայի հատվածում Իսրայելի կողմից իրականացվող գործողություններին, դրանք որակել է «Գազայում տեղի ունեցող դաժանություն»:

Քուրթուլմուշն այս համատեքստում մեղադրանքներ է հնչեցրել նրանց նկատմամբ, ովքեր անտարբեր են տեղի ունեցողի հանդեպ: Խորհրդարանի ղեկավարը այդպիսի մարդկանց բնորոշել է «արյունոտ ձեռքեր» ունեցողներ:

Բացի այդ, թուրք պաշտոնյան մեղադրանքներ է հնչեցրել ԱՄՆ նախագահի հասցեին՝ նրա խոսքը որակելով «անընդունելի հումանիզմի տեսանկյունից»:

«Վերջերս ԱՄՆ նախագահի կողմից ասվածն անկարելի է ընդունել մարդկային տեսանկյունից: Ի՞նչ էր ասել. «Թո՛ղ ձեր տված պատասխանը լինի չափավոր, թո՛ղ ձեր հարձակումը լինի չափավոր»,-հավելել է նա, ապա հռետորական հարց ուղղել.

«Հետաքրքիր է, թե որևիցե կերպով այս պահին Իսրայելի կողմից տրվելիք չափավոր պատասխանի համար քանի՞ հազար անմեղ մարդ պետք է մահանա»:

Աղբյուր` Trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։