Հայկո Բաղդադ. «Օզելն անտեսել է իր ընդդիմադիր լինելու պարտականությունը»

Քաղաքական13:40, 02 Հոկտեմբեր 2024

Հայկո Բաղդադ. «Օզելն անտեսել է իր ընդդիմադիր լինելու պարտականությունը»

Ծագումով հայ լրագրող Հայկո Բաղդադը, ով թուրքական ըննդիմադիր լրատվականների համար հոդվածներ է պատրաստում, անդրադարձել է վերջերս ԱՄՆ-ի Նյու Յորք քաղաքում անցկացված ՄԱԿ գլխավոր ասամբլեայի 79-րդ նստաշրջանի շրջանակում տեղի ունեցած իրադարձություններին:

Ինչպես հայտնի է, բացի թուրքական իշխանության ներկայացուցիչներից այնտեղ էր մեկնել նաև Թուրքիայում գլխավոր ընդդիմադիր, քեմալական «Ժողովրդահանրապետական կուսակցության» առաջնորդ Օզգյուր Օզելը:

Նա ևս հանդիպումներ է անցկացրել թուրքական տանը՝ «Türkevi»-ում, ինչպես նաև հայտնվել տեղի ունեցող իրադարձությունների կիզակետում:

Այդ օրերին սկանդալային լուրեր էին պտտվում, թե Թուրքիան կաշառել է ամերիկացի, դեմոկրատական ՏԻՄ ղեկավար Էրիկ Ադամսին, իսկ ԱՄՆ այդ առիթով նրա նկատմամբ հետաքննություն է իրականացնում:

Ըստ մեղադրականի՝ Էրիկ Ադամսը 2014-ից այն կողմ թուրքական իշխանություններից անօրինական առավելություններ է ստացել, «Թուրքական ավիաուղիներ» ընկերության ծառայություններից անվճար օգտվել և մնացել է Ստամբուլի ամենաշքեղ հյուրանոցներում:

Այս համատեքստում լրագրողը մեղադրում էր Օզելին Թուրքիայի այսօրվա իշխանություններին պաշտպանելու համար:

Մասնավորապես նա «Türkevi»-ի շենքի առաջ, պատասխանելով լրագրողների՝ տարածվող սկանդալի վերաբերյալ հարցերին, ընդգծել է, որ Թուրքիան այնպիսի պետություն չէ, որը կարիք ունի ԱՄՆ-ում կաշառք տալ:

Նման մոտեցումը հեղինակի կողմից որակվել է հետևյալ կերպ. «Օզգյուր Օզելը «Türkevi»-ի դիմաց վարվել է «Թուրքականության համաձայնագրի» համապատասխան:

Բաղդադի տեքստում գլխավոր ընդդիմադիրի կողմից ցուցաբերված պահվածը բնութագրվել է այնպես, թե «Օզելը անտեսել է իր ընդդիմադիր լինելու պարտականությունը և իրեն փոքրացրել սեփական ՏԻՄ ղեկավարին դատող ամերիկացիների առաջ»:

Աղբյուր` Gazeteduvar.com.t