Միցոտակիս. «Թուրքիայի հետ հարաբերությունները լավացնելու նոր ուղիներ ենք փնտրում»

Քաղաքական14:37, 27 Սեպտեմբեր 2024

Միցոտակիս. «Թուրքիայի հետ հարաբերությունները լավացնելու նոր ուղիներ ենք փնտրում»

Հունաստանի վարչապետ Կիրյակոս Միցոտակիսը ելույթ է ունեցել «Միացյալ ազգերի կազմակերպության» (ՄԱԿ) Գլխավոր ասամբլեայի 79-րդ նստաշրջանում:

Նա, անդրադառնալով Թուրքիա-Հունաստան հարաբերություններին, նշել է, որ դրանք լավացնելու նպատակով շարունակում են նոր ճանապարհներ փնտրել:

«Կլիմայական փոփոխությունների և միգրացիայի հարցում մեր ընդհանուր խնդիրների լուծման համար համագործակցելու էլ ավելի մեծ հնարավորություն կա: Մենք բաց ենք պահում մեր բոլոր կապի միջոցները՝ հնարավոր ամեն տեսակ լարվածությունը թույլացնելու նպատակով»,-հավելել է նա:

Բացի այդ, Միցոտակիսը հայտարարել է, որ երկու երկրների միջև ավելի քան 40 տարի տնտեսական խնդիրներ կան:

«Սակայն դա չի նշանակում, որ դրանք մնալու են չլուծված»,-հավելել է նա:

Հունաստանի նախագահը խոսել է նաև Թուրքիայի նախագահ Ռեջեփ Թայիփ Էրդողանի այն հայտարարությունների մասին, որոնց համաձայն՝ Հունաստանի և Թուրքիայի միջև առկա են ծովային որոշ հատվածների վերահսկողությունը հստակեցնելու հարցեր, որոնք, ըստ թուրք ղեկավարի, պետք է լուծվեն միջազգային իրավունքի հիման վրա:

«Հավատում եմ, որ այսօր հնարավորության պատուհան կա և մենք այս հնարավորությունը գնահատելու համար պետք է խիզախ և իմաստուն լինենք»,- եզրափակել է Միցոտակիսը:

Աղբյուր` Ntv.com.tr

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։