Թուրքիայի խորհրդարանի նախագահը հանդիպել է Պուտինի հետ

Քաղաքական12:08, 26 Սեպտեմբեր 2024

Թուրքիայի խորհրդարանի նախագահը հանդիպել է Պուտինի հետ

Թուրքիայի խորհրդարանի նախագահ Նուման Քուրթուլմուշը սեպտեմբերի 25-ին հանդիպել է Ռուսաստանի Դաշնության նախագահ Վլադիմիր Պուտինի հետ։

Քուրթուլմուշն ընդգծել է, որ Ռուսաստանում ունեցած իր բոլոր հանդիպումների ժամանակ շեշտվել է երկու երկրների լավ համագործակցությունն առևտրի, էներգետիկայի, ռազմարդյունաբերության և զբոսաշրջության ոլորտներում։

Թուրքական պետության օրենսդիրի ղեկավարը նշել է, որ ՌԴ-ն և Թուրքիան գլոբալ խնդիրների հարցում նմանատիպ մոտեցումներ ունեն։ Այս համատեքստում Քուրթուլմուշն նաև ուշադրություն է հրավիրել Պաղեստինի Գազայի հատվածում տիրող իրավիճակի վերաբերյալ ունեցած ընդհանուր մոտեցումների վրա։

Նա նաև անդրադարձել է երկու երկրներում առկա ընտանեկան արժեքներին և նշել, որ այս հարցում ևս մոտեցումները մոտ են միմյանց։

Անդրադառնալով Ռուսաստանի և Թուրքիայի նկատմամբ սահմանված միակողմանի պատժամիջոցներին՝ Քուրթուլմուշը նշել է, որ դրանք երբեք ընդունելի չեն եղել և այժմ էլ ընդունելի չեն Թուրքիայի համար։

«Դրանք ծառայում են միայն էմբարգո սահմանողների նպատակներին և բանտարկում ժողովուրդներին»։

Հանդիպման բաց մասին հաջորդել է լրագրողների համար դռնփակ հանդիպումը։

Հիշեցնենք, որ Թուրքիայի խորհրդարանի նախագահ Նուման Քուրթուլմուշը եռօրյա պաշտոնական այցով սեպտեմբերի 23-ին մեկնել էր ՌԴ։

Աղբյուր` Trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։