Թուրքիայի առևտրի նախարարը դրական զարգացումներ է կանխատեսում ԱՄՆ-ի հետ հարաբերություններում

Քաղաքական12:23, 25 Սեպտեմբեր 2024

Թուրքիայի առևտրի նախարարը դրական զարգացումներ է կանխատեսում ԱՄՆ-ի հետ հարաբերություններում

Թուրքիայի առևտրի նախարար Օմեր Բոլաթը ելույթ է ունեցել ԱՄՆ-ում «Անատոլիայի առյուծներ գործարարների ասոցացիայի» (ASKON) ամերիկյան գրասենյակի կողմից կազմակերպված միջոցառմանը:

Բոլաթը պնդել է, թե Թուրքիան պետություն է, որը վերջին 22 տարվա ընթացքում ամենալավ կերպով է կարողացել կառավարել ստեղծված ճգնաժամերը՝ աշխարհում պատերազմների և մեծ լարվածությունների ֆոնին:

Նա անդրադառնալով Թուրքիայի արտաքին առևտրում երկրի ունեցած դիրքին, ընդգծել է, որ 1987-ին ամսական 1 մլրդ դոլարի հասնող առևտուրն այսօր 1 մլրդ դոլար կազմում է միայն օրվա կտրվածքով:

Բոլաթը հատկապես ուշադրություն է հրավիրել ԱՄՆ-Թուրքիա հարաբերությունների վրա և ընդգծել, թե երկու երկրների միջև վերջին 4 տարում կարևոր առաջընթաց է գրանցվել:

Նա հայտնել է, որ ընթացիկ տարվա՝ 2024-ի համար ակնկալվում է առևտրի 35 մլրդ դոլարանոց ցուցանիշ:

«Մենք բոլորս առաջիկա ժամանակահատվածում թուրք-ամերիկյան հարաբերություններում և մի շարք ոլորտներում նոր դրական զարգացումների ականատեսը կլինենք»,- հավելել է նա:

Հիշեցնենք, որ Բոլաթը Թուրքիայի նախագահ Ռեջեփ Թայիփ Էրդողանի հետ միասին սեպտեմբերի 21-ին էր մեկնել ԱՄՆ-ի Նյու Յորք Քաղաք: Վերջինս անտեղ է մասնակցելու ՄԱԿ Գլխավոր ասամբլեայի 79-րդ նստաշրջանին:

Աղբյուր` Trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։