Էրդողանի կինը հանդիպել է ՄԱԿ-ի գլխավոր քարտուղարի հետ

Քաղաքական09:38, 25 Սեպտեմբեր 2024

Էրդողանի կինը հանդիպել է ՄԱԿ-ի գլխավոր քարտուղարի հետ

ԱՄՆ-ի Նյու Յորք քաղաքում մեկնարկած «Միացյալ ազգերի կազմակերպության» (ՄԱԿ) Գլխավոր ասամբլեայի 79-րդ նստաշրջանի շրջանակներում Թուրքիայի առաջին տիկին Էմինե Էրդողանը հանդիպել է ՄԱԿ գլխավոր քարտուղարին:

Օրակարգում են եղել աշխարհում ընթացող պատերազմները, դրանց արդյունքում ի հայտ եկած ավերածությունները և մարդկային կորուստները:

Կողմերը մտքեր են փոխանակել նաև բնական հանածոների աղտոտմանը և կլիմայական ճգնաժամի խորացամանը վերաբերող հարցերի շուրջ:

Էմինե Էրդողանը Գուտերեշին, որպես «ՄԱԿ-ի զրոյական թափոնների անհատների խորհդատվական բարձր մակարդակի խորհրդի» նախագահ, ներկայացրել է Թուրքիայի կողմից «Համաշխարհային թափոնների կառավարման և կայուն զարգացման նպատակների» ուղղությամբ տարված աշխատանքների մասին:

Թուրքիայի նախագահ Ռեջեփ Թայիփ Էրդողանի կինն ընդգծել է, որ այս համատեքստում «ՄԱԿ»-ի ուժեղ աջակցությունը ստանալն ուրախալի է:

Նա նաև ՄԱԿ գլխավոր քարտուղարին հայտնել է, որ իրենք Ադրբեջանի հետ սերտ համագործակցության մեջ են՝ կապված նոյեմբերին Ադրբեջանում կայանալիք «ՄԱԿ-ի Կլիմայի փոփոխության մասին շրջանակային կոնվենցիայի Մասնակիցների կոնֆերանսի 29-րդ նստաշրջանի» (COP29) հետ:

Էմինե Էրդողանը նշել է, որ «COP29»-ի ընթացքում թեմատիկ մեկ օր է առանձնացվելու «զրոյական թափոնների» համար և այդ շրջանակնում նախատեսվում է իրականացնել որոշ միջոցառումներ:

Նա նաև Գուտերեշին հրավիրել է մասնակցելու խորհրդատվական խորհրդի 3-րդ նիստին, որը ևս անցկացվելու է COP29-ի շրջանակներում:

Աղբյուր` Trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։