ERMENI HABER AJANSI

Թուրքիայի տրանսպորտի և ենթակառուցվածքների նախարար Ադուլքադիր Ուրալօղլուն Գրեմանիայում Թուրքիայի դեսպանատանը հանդիպել է թուրքական քաղաքացիական հասարակական կազմակերպությունների ներկայացուցիչների և գործարարների հետ:

Հանդիպումը կայացել է Բեռլինում 2 տարին մեկ անցկացվող տրանսպորտային տեխնոլոգիաների, համակարգերի և մեքենաների Եվրոպայի ամենամեծ միջազգային ցուցահանդես-վաճառքի շրջանակներում:

Ուրալօղլուն հայտարարել է, որ Գերմանիան Թուրքիայի համար այն երկներից մեկն է, որի հետ իրենք ցանկանում են սերտ և ամենաբարձր մակարդակի հարաբերությունների հաստատել:

Թուրք նախարար հայտարարել է, որ իրենց երկիրը աշխարհագրորեն շատ կարևոր դիրքում է գտնվում և դա վերաբերում է նաև Արևելք-Արևմուտք ճանապարհանցում պատմական «Մետաքսի ճանապարհից» մինչև ժամանակակից «Մետաքսի ճանապարհում» Թուրքիայի ունեցած դիրքին:

Նա հայտնել է, որ Թուրքիայից 4 ժամում թռիչքով կարելի է  հասնել 67 երկիր, որոնց ընդհանուր բնակչության թիվը 1.5 մլրդ է:

«Թուրքիայի ազգային եկամուտը 40 տրիլիոն, իսկ առևրաշրջանառությունը 10 տրիլոն դոլար է»,-հավելել է նա:

Ուրալօղլուն գործընկերների հետ զրույցում նշել է, որ Թուրքիան գտնվում է բոլոր ուղղություններով աշխարհը կապող ճանապարհների վրա, իսկ իրենք մտադիր են լրջորեն ամրապնդել Թուրքիայի ունեցած այդ դիրքը:

«Այդ ուղղությամբ ներդրումեր ենք անում»:

Այս համատեքստում թուրք պաշտոնյան հայտարարել է,  որ սերտ աշխատանքներ են տանում Պարսից ծոցից Թուրքիայով մինչև Եվրոպա ձգվելիք ճանապարհի ձևավորման առումով:

«Մենք սերտորեն աշխատում ենք Զարգացման ճանապարհի միջանցքի վրա, որը կարող է Պարսից ծոցից Իրաքի վրայով հասնել մինչև Թուրքիա, այնտեղից էլ՝ մինչև ամբողջ Եվրոպա»,-հավելել է նա: