Բլինքեն. «Իրաք-Թուրքիա նավթամուղը պետք է վերագործարկվի»

Քաղաքական12:55, 24 Սեպտեմբեր 2024

Բլինքեն. «Իրաք-Թուրքիա նավթամուղը պետք է վերագործարկվի»

ԱՄՆ պետքարտուղար Էնթոնի Բլինքենն Ամերիկայում անցկացվող «Միացյալ ազգերի կազմակերպության» (ՄԱԿ) Գլխավոր ասամբլեայի 79-րդ նստաշրջանի շրջանակներում հանդիպել է Իրաքի վարչապետ Մուհամմեդ Շիա ալ-Սուդանիի հետ:

Պետքարտուղարության խոսնակ Մեթյու Միլլերի հաղորդագրության համաձայն՝ կողմերը քննարկել են տարածաշրջանում տեղի ունեցող բախումների էլ ավելի սրացումից խուսափելու համար իրականացվելիք քայլերին վերաբերող հարցեր:

Նշվել է նաև, որ հանդիպման ընթացքում երկու կողմն էլ ընդգծել են տնտեսության զարգացման հարցում համագործակցության ընդլայնման և ժողովուրդների միջև կապերի հաստատման գործընթացը շարունակելու, ինչպես նաև ԱՄՆ-Իրաք ռազմավարական համագործակցության մասին:

Բլինքենի գլխավորած գերատեսչության տարածած հայտարարության համաձայն էլ՝ կողմերը փոխանակվել են Իրաք-Թուրքիա նավթամուղի հարցում իրենց տեսակետներով:

«Նախարարը Իրաքի տնտեսության մեջ օտարերկրյա ներդրումների շարունակումը խթանելու համար շեշտել է Իրաք-Թուրքիա նավթամուղի վերագործարկման անհրաժեշտությունը և ողջունել մինչև 2030-ը էներգետիկ անկախություն ապահովելու Իրաքի ձգտումը»,-ասվել է Պետդեպի հայտարարության մեջ:

Աղբյուր` Gazeteduvar.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։