Թուրքիայի խորհրդարանի նախագահը կմեկնի ՌԴ

Քաղաքական12:41, 23 Սեպտեմբեր 2024

Թուրքիայի խորհրդարանի նախագահը կմեկնի ՌԴ

Թուրքիայի խորհրդարանի նախագահ Նուման Քուրթուլմուշը պաշտոնական այցով սեպտեմբերի 23-ից 26-ը կլինի Ռուսաստանի Դաշնությունում։

Քուրթուլմուշը Մոսկվայում այցելելու է Յունուս Էմրեի ինստիտուտ, հանդիպելու է ուսանողների հետ։ Մոսկվայում Թուրքիայի դեսպանատանն ընդունելու է «Ռուս-թուրքական գործարարների միության» անդամներին, քննարկելու են երկկողմ առևտրային համագործակցության հնարավորությունների, տնտեսական և սոցիալական կապերի զարգացմանը վերաբերող հարցեր։

Սեպտեմբերի 24-ին նա ընդլայնված կազմով հանդիպում կունենա ՌԴ Դաշնային ժողովի նախագահ Վալենտինա Մատվիենկոյի հետ, ապա կայցելի ՌԴ ԱԳՆ Դիվանագիտական ակադեմիա։

Սեպտեմբերի 25-ին ելույթ է ունենալու Դաշնային ժողովում։

Քուրթուլմուշն այցելելու է նաև Պետդումա և ընլյանված կազմով հանդիպում կունենա Պետդումայի նախագահ Վյաչեսլավ Վոլոդինի հետ:

Նախատեսվում է նաև թուրք նախարարի հանդիպումը ՌԴ նախագահ Վլադիմիր Պուտինին։

Քուրթուլմուշը ՌԴ այցի ընթացքում քննարկելու է Թուրքիա-ՌԴ համագործակցությունը տարածաշրջանային և համաշխարհային զարգացումների ներկայիս պայմաններում, ինչպես նաև հղելու է Իսրայելի կողմից Գազայի հատվածում իրականացվող քայլերը կանխելու ընդհանուր տեսլականների վրա կենտրոնանալու ուղերձներ։

Աղբյուր` Aa.com.tr

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։