Բիշքեկում կայացել է ԹՊԿ-ի էներգետիկայի նախարարների 4-րդ նիստը

Քաղաքական08:56, 17 Սեպտեմբեր 2024

Բիշքեկում կայացել է ԹՊԿ-ի էներգետիկայի նախարարների 4-րդ նիստը

Սեպտեմբերի 16-ին Ղրղզըստանի մայրաքաղաք Բիշքեկում անցկացվել է «Թյուրքական պետությունների կազմակերպության» (ԹՊԿ-TDT) անդամ երկրների էներգետիկայի նախարարների 4-րդ նիստը:

Հանդիպմանը ներկա են գտնվել թե՛ «ԹՊԿ» անդամ պետությունների և թե՛ դիտորդի կարգավիճակ ունեցող երկրների էներգետիկայի նախարարներն ու բարձրաստիճան պաշտոնյաները: Նիստին մասնակցել է նաև «ԹՊԿ»-ի գլխավոր քարտուղար Քուբանըչբեք Օմյուրալիևը:

Կողմերը քննարկել են համատեղ ծրագրերի իրականացմանը, վերականգնվող էներգիայի առումով թյուրքական պետությունների պոտենցիալին, ինչպես նաև «ԹՊԿ»-ի տարածաշրջանում էներգիայի սպառման և մատակարարման ցանցին վերաբերող հարցեր:

Օմյուրալիևն ընդգծել է, որ թյուրքական պետությունները էներգետիկայի աղբյուրների ստեղծման և արտահանման հարցում, ինչպես նաև տրանիզտային անցումներում դեռևս չօգտագործված պոտենցիալ ունեն:

Նա հայտարարել է, որ էներգետիկայի ոլորտում համատեղ ծրագրերի իրականացումը նպաստելու է ոչ միայն թյուրքական պետություններում, այլև ամբողջ տարածաշրջանում էներգետիկ անվտանգության ապահովմանը:

Նիստի ավարտին կողմերն արդյունքներն ամփոփող համատեղ հայտարարություն են ստորագրել:

Այն իր մեջ ներառում է «ԹՊԿ»-ի տեխնոլոգիաների և կանաչ նախաձեռնությունների կենտրոնի հիմնում, ինչպես նաև նախաձեռնություններ՝ թյուրքական պետությունների էներգետիկայի ոլորտի մասնագետների միջև տարեկան մասնագիտական հմտությունների մրցույթ կազմակերպելու մասին:

Կողմերը պայմանավորվել են հաջորդ հանդիպումն անցկացնել 2025-ին՝ Թուրքիայի Հանրապետությունում:

Աղբյուր` Tr.kabar.kg

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։