Թուրքիայի ընդդիմադիր կուսակցապետը՝ Էրդողանին. «Բոլորս Մուստաֆա Քեմալի զինվորներն ենք»

Քաղաքական10:39, 13 Սեպտեմբեր 2024

Թուրքիայի ընդդիմադիր կուսակցապետը՝ Էրդողանին. «Բոլորս Մուստաֆա Քեմալի զինվորներն ենք»

Թուրքիայի գլխավոր ընդդիմադիր քեմալական «Ժողովրդահանրապետական կուսակցության» (ԺՀԿ-CHP) առաջնորդ Օզգյուր Օզելը, դիմելով Թուրքիայի նախագահ և իշխող «Արդարություն և զարգացում կուսակցության» (ԱԶԿ-AKP) առաջնորդ Ռեջեփ Թայիփ Էրդողանին, արձագանքել է թուրք լեյտենանտների նկատմամբ սկսված հետաքննությանը:

«Էրդողա՛ն, արդեն եղավ մի շաբաթ, ինչ լեյտենանտները հանել են իրենց թրերը: Դու 8 օր լռեցիր, հետո արթնացար ու արձագանքեցիր: Իմամ հաթիփցիներից (հոգևորականների միջնակարգ դպրոցի սաներ) ոգևորվեցիր և ծափեր ստացար: Ինչու՞ արեցիր: Ցույց տվեցիր, որ Իմամ հաթիփցիների հետ միասին դեմ ես լեյտենանտներին»,-ասել է Օզելը:

Նա նաև հայտարարել է, որ լեյտենենատների նկատմամբ հետաքննություն սկսելու կարիք չկա:

«Օմեր Չելիքը (ԱԶԿ խոսնակ) ասում է. «Թե՛ կուրսանտները, թե՛ իմամ հաթիփցիները մեր ազգի արժեքն են»: Դա իմ խոսքն է, պարոն Օմեր, դու դա Էրդողանին կասես:

Տե՛ս պարոն Թայիփ: Այստեղ բոլոր կուսակցություններից մարդիկ կան: Եթե այս երկրում բոլոր լեյտենանտներն ասեն դա՝ դու հանգիստ քնի՛ր, Թուրքիայի թշնամիները թող վախենան:

Այս բանակում եթե նույնիսկ մի լեյտենանտ այդպիսի խոսքեր չասի՝ այդ ժամանակ նոր պետք է նստես ու մտածես:

Մենք բոլորս Մուստաֆա Քեմալի զինվորներն ենք»:

Մուստաֆա Քեմալ Աթաթուրք - Թուրքիայի Հանրապետության հիմնադիր և առաջին նախագահ։

Հիշեցնենք, որ սեպտեմբերի սկզբին Թուրքիայի ռազմական ակադեմիայի ավարտական միջոցառման ընթացքում մի քանի լեյտենանտ, զինվորական երդման արարողության ժամանակ, բղավել էր՝ «Մենք Մուստաֆա Քեմալի զինվորներն ենք»:

Տեղի ունեցածը թուրք հանրության կողմից մեծ քննարկման ալիք էր բարձրացրել: Քննարկումներում արարքի բացատրությունը գտնելու փորձերն ամփոփվում էին հետևյալ արտահայտություններով.

«Ռազմական հեղաշրջման սպառնալի՞ք, թե՞ հոգեբանական պատերազմ», «Լեյտենանտների սուր երդումը, որը դարձել է «արգելված», ոչ սովորական դիմադրություն է...»:

Աղբյուր` Rudaw.net

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։