Ֆիդանը կմեկնի Ուզբեկստան

Քաղաքական09:37, 12 Սեպտեմբեր 2024

Ֆիդանը կմեկնի Ուզբեկստան

Թուրքիայի արտգործնախարար Հաքան Ֆիդանը, ներքին գործերի նախարար Ալի Յերլիքայան և «Ազգային հետախուզության ծառայության» (MİT) ղեկավար Իբրահիմ Քալընը սեպտեմբերի 12-ին մեկնելու են Ուզբեկստան:

Դիվանագիտական աղբյուրների տեղեկություններով, Ֆիդանը, Յերլիքայան և Քալընն Ուզբեկստան այցի շրջանակներում առաջին անգամ եռակողմ ֆորմատով բանակցություններ են վարելու:

Նշվում է նաև, որ հանդիպումներին զուգահեռ նպատակ է դրվել վերջնական տեսքի բերել Թուրքիայի և Ուզբեկստանի հարաբերությունները ինտիտուցիոնալ ոլորտում էլ ավելի ամրապնդելու ուղղությամբ արվող աշխատանքները:

Այցի ընթացքում նախատեսվում է Ֆիդանի հանդիպումը ուզբեկստանցի իր գործընկերոջ՝ Բահթիյար Սայիդովի հետ:

Հանդիպման ընթացքում հետևողական անդրադարձ է կատարվելու ընթացիկ տարվա հունիսին Թուրքիայում անցկացված «Թուրքիա-Ուզբեկստան բարձր մակարդակի ռազմավարական համագործակցության խորհրդի» 3-րդ նիստում ընդունված որոշումներին:

Այս համատեքստում քննարկվելու են տնտեսական, ռազմարդյունաբերության, էներգետիկայի, տրանսպորտի, մշակույթի, կրթության, անկանոն միգրացիայի, ահաբեկչության դեմ պայքարի և անվտանգության ոլորտին վերաբերող հարցեր:

Բացի այդ, մտքեր են փոխանակվելու տարածաշրջանային զարգացումների և տարածաշրջանային ու միջազգային կազմակերպությունների, ինչպես նաև «Թյուրքական պետությունների կազմակերպության» (ԹՊԿ-TDK) հետ ունեցած համագործակցության վերաբերյալ:

Նշում է նաև, որ Թուրքիայի ԱԳ նախարարը հանդիպում է ունենալու Ուզբեկստանի նախագահ Շևքեթ Միրզոևի հետ:

Աղբյուր` Trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։