Թուրքիայի նախկին պաշտպանության նախարարը ԵՄ-ին մեղադրում է անարդար վարվելակերպի մեջ

Քաղաքական12:45, 10 Սեպտեմբեր 2024

Թուրքիայի նախկին պաշտպանության նախարարը ԵՄ-ին մեղադրում է անարդար վարվելակերպի մեջ

Թուրքիայի նախկին պաշտպանության նախարար, ներկայումս խորհրդրանում ազգային անվտանգության հանձնաժողովի նախագահ Հուլուսի Աքարն անդրադարձել է Եվրամիություն (ԵՄ)-Թուրքիա հարաբերություններին:

Հունգարիայի մայրաքաղաք Բուդապեշտում անցկացված «Համատեղ արտաքին և անվտանգային քաղականություն ու համատեղ անվտանգություն և ռազմական քաղաքականութուն» խորագրով միջխորհրդարանական համաժողովին ունեցած ելույթում Աքարն ընդգծել է, որ ԵՄ-ի՝ Թուրքիայի նկատմամբ վարած քաղաքականությունն արդար չէ:

«ԵՄ-ի ոչ արդար վերաբերմունքը և ռազմավարական տեսլականի դեֆիցիտը դարձել է նյարդայնացնող:

Խորհրդի կողմից 2019-ին Թուրքիայի դեմ կիրառված միջոցները Թուրքիայի անդամակցության տեսանկյունից շարունակում է մնալ քաղաքական բլոկադա»,-ասել է նա:

Բացի այդ, Աքարն ընդգծել է, որ ներկայիս համաշխարային իրավիճակով պայմանավորված ԵՄ-ի ընլդլայնումը բխում է հենց այդ կառույցի շահերից:

«ԵՄ-ի բոլոր անդամները պետք է հավասարապես խրախուսեն: Վաստակված գործընթացը չպետք է թողնվի մակերեսային և մասնակի կարճաժամկետ շահերից բխող նախապաշարմունքների ստվերում: Ոչ մի կասկած չկա, որ Թուրքիան աշխարհաքաղաքական տեղանկյունից ավելի ուժեղ միության ամենակարևոր դերակատարներից է»,-հավելել է Աքարը:

Նշենք նաև, որ ելույթում Աքարն անդրադարձել է Կիպրոսի խնդրին, ընդգծելով, որ այնտեղ պետք է երկու պետություն ստեղծվի:

«Մենք պետք է ընդունենք այն իրականությունը, որ կղզում երկու ժողովուրդ է ապրում: Այդ կղզում երկու պետություն պետք է ստեղծվի և բացի այդ, համապատասխան լուծումը պետք է հիմնվի անկախության, հավասարության և հավասար միջազգային ստատուսի առանցքների վրա»:

Աղբյուր` Yirmidort.tv

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։