Անթալիայում բացվել է Ռուսաստանի գլխավոր հյուպատոսության նոր շենքը

Քաղաքական17:23, 04 Սեպտեմբեր 2024

Անթալիայում բացվել է Ռուսաստանի գլխավոր հյուպատոսության նոր շենքը

Թուրքիայի Անթալիա նավահանգստային քաղաքում բացվել է Ռուսաստանի գլխավոր հյուպատոսության նոր ծառայողական շենքը։ Բացման արարողությանը ելույթ է ունեցել Անթալիայում ՌԴ գլխավոր հյուպատոս Սերգեյ Վետրիկը։ Նա նշել է, որ Անթալիայում ապրում են Ռուսաստանի տասնյակ հազարավոր քաղաքացիներ ու ամեն տարի մի քանի միլիոն ռուսներ են գալիս այստեղ հանգստի։ Ի հավելում էլ հյուպատոսը նշել է, որ օրինակ 2023-ին Անթալիա է մեկնել 3․5 մլն ռուսաստանցի զբոսաշրջիկ։

«Բացի մեր հյուպատոսական պարտականություններից Անկարայում ՌԴ դեսպանատան գլխավորությամբ նպաստում ենք Ռուսաստան-Թուրքիա հարաբերությունների զարգացմանը։ Անցած տարվա ընթացքում մենք մասնակցել ենք բազմաթիվ ռուս-թուրքական միջոցառումների։ Անկասկած, դրանցից ամենակարևորը ՌԴ արտգործնախարար Սերգեյ Լավրովի մասնակցությունն էր Անթալիայի դիվանագիտական ֆորումին»,-հայտարարել է հյուպատոսը։

Վետրիկը նաև նշել է, որ կազմակերպվել են բազմաթիվ մշակութային միջոցառումներ, այդ թվում՝ արվեստի ցուցահանդեսներ, տոնական և սպորտային միջոցառումներ՝ ռուս աշխարհահռչակ արվեստագետների մասնակցությամբ:

Աղբյուր` aa.com.tr

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։