Եգիպտոսի նախագահ Սիսին Թուրքիայում է

Քաղաքական17:15, 04 Սեպտեմբեր 2024

Եգիպտոսի նախագահ Սիսին Թուրքիայում է

Եգիպտոսի նախագահ Աբդել Ֆաթթահ ալ-Սիսին Թուրքիայի նախագահ Ռեջեփ Թայիփ Էրդողանի հրավերով պաշտոնական այց է կատարել Անկարա։ Նախագահական համալիրում կազմակերպվել է պաշտոնական ընդունելության արարողություն։

Դիմավորման արարողությունից հետո Էրդողանը և Սիսին առանձնազրույց են ունեցել։ Մամուլի համար դռնփակ հանդիպումից հետո երկու նախագահների գլխավորությամբ գումարվելու ռազմավարական համագործակցության բարձր մակարդակի խորհրդի նիստ։

Պաշտոնական տեղեկությամբ՝ հիշյալ խորհրդի նիստում Թուրքիա-Եգիպտոս հարաբերությունները վերանայվելու են բոլոր առումներով, քննարկվելու են համագործակցության հետագա զարգացմանն ուղղված համատեղ քայլերը։

Երկկողմ հարաբերություններից բացի անդրադարձ է կատարվելու նաև Գազայում տիրող իրավիճակին և իսրայելական հարձակումներին։

Հանդիպման շրջանակներում օրակարգում է նաև հարաբերությունների պայմանագրային հիմքերն ամրապնդելուն ուղղված որոշ փաստաթղթերի ստորագրումը։

Ակնկալվում է, որ այս այցը նոր խթան կհաղորդի Թուրքիա-Եգիպտոս հարաբերություններին և կնպաստի ոչ միայն երկկողմ համագործակցության ամրապնդմանը, այլև ընդհանուր տարածաշրջանային անվտանգության ապահովմանը։

Աղբյուր` TRTHaber

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։