Էրդողան. «Մենք շարունակելու ենք մեր պայքարը, քանի դեռ կյանքի չի կոչվել Թուրքիայի հարյուրամյակի տեսլականը»

Քաղաքական15:30, 30 Օգոստոս 2024

Էրդողան. «Մենք շարունակելու ենք մեր պայքարը, քանի դեռ կյանքի չի կոչվել Թուրքիայի հարյուրամյակի տեսլականը»

Օգոստոսի 30-ին Թուրքիայում նշվող «Հաղթանակի տոնի» և «Թուրքիայի զինված ուժերի օրվա» առթիվ առաջին միջոցառումը կազմակերպվել է հանրապետության հիմնադիր Մուստաֆա Քեմալ Աթաթուրքի դամբարանում (Anıtkabir):

Միջոցառմանը մասնակցելու նպատակով Թուրքիայի նախագահ Ռեջեփ Թայիփ Էդրողանը պետպաշտոնյաների հետ միասին այցելել է դամբարան:

Միջոցառմանն ունեցած ելույթում Էրդողանը հայտարարել է. «Մենք հաստատակամորեն և վճռականորեն շարունակելու ենք մեր պայքարը, քանի դեռ կյանքի չի կոչվել մեր ազգի «Kızılelma»-ի վերածված Թուրքիայի հարյուրամյակի տեսլականը»:

«Kızılelma/Քըզըլէլմա» արտահայտությունը բառացի թարգմանաբար նշանակում է «Կարմիր խնձոր», որն այս պարագայում Թուրքիայի ռազմավարական գերնպատակներն են՝ ամբողջացված մեկ փաթեթով և մեկ արտահայտության մեջ:

Նշենք, որ օգոստոսի 30-ին «Հաղթանակի տոն» անվան տակ Թուրքիայում նշվում է 1922թ. տեղի ունեցած Դումլուփընար ճակատամարտի հաղթանակը, որից հետո ավելի իրատեսական դարձավ Թուրքիայի Հանրապետության հռչակումը: Նշյալ ճակատամարտի ժամանակ հունական զորքերը պարտություն կրեցին: Ի դեպ ճակատամարտի ժամանակ թուրքական զորքերի հրամանատարն էր Մուստաֆա Քեմալ Աթաթուրքը:

Աղբյուր` Trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։