Ասադ. «Թուրքիայի հետ հարաբերությունների կարգավորման գործընթացն անարդյունք է»

Քաղաքական09:19, 26 Օգոստոս 2024

Ասադ. «Թուրքիայի հետ հարաբերությունների կարգավորման գործընթացն անարդյունք է»

Հուլիսի 25-ին Սիրիայի նախագահ Բաշար ալ-Ասադը խորհրդարանում խոսել Է Սիրիա-Թուրքիա հարաբերությունների կարգավորման մասին:

Ասադն ընդգծել է, որ այդ գործընթացում Թուրքիայի հետ թերևս ոչ մի արդյունքի հասնել չի հաջողվել:

«Չնայած միջնորդների լրջությանն ու ցանկությունը, պետք է նշել, որ փորձերը ոչ մի արդյունք չեն տվել»,-ասել է նա:

Բացի այդ, Սիրիայի նախագահը շեշտել է, որ դրա արդյունք չունենալու պատճառներից մեկը առկա խնդիրների իրական բովանդակության հետ չառերեսվելն է:

«Ինչպե՞ս կարող ենք լուծել այն պարագայում, երբ իրական պատճառները չենք կարողանում տեսնել: Կրկին հարաբերություններ հաստատելու համար նախ պետք է լուծել հարաբերությունների վատթարացման պատճառները: Մենք մեր ոչ մի իրավունքից չեն հրաժարվելու»,-ընդգծել է Ասադը:

Ասադը գործընթացի անարդյունավետության համար Թուրքիային մեղադրել է նաև անկեղծ չլինելու մեջ և շեշտել, որ բանակցային գործընթացը կարող է հաջողվել վստահելի փաստաթուղթ (հղում) ունենալու պարագայում:

«Այն, ինչի մասին այս պահին Սիրիան խոսում է, դա հիմքերն ու առանցքային էտապներն են, որովհետև դա հիմք է դնում հետագա հաջողությունների համար: Թուրք պաշտոնյաների հայտարարություններն անհիմն են, մեր կրիտերիան (չափանիշը) ինքնիշխանությունն է»,-հավելել է նա:

Հիշեցնենք, որ ավելի վաղ Թուրքիայի նախագահ Ռեջեփ Թայիփ Էրդողանն ակնարկել էր Ասադի հետ հարաբերությունները կարգավորելու պատրաստակամության մասին և հնարավոր համարել ամեն պահի նրան Թուրքիա այցելելու հրավեր անելը:

Նման հայտարարություններին Ասադը դրական էր արձագանքել, սակայն արդյունքում այդպես էլ ոչինչ տեղի չունեցավ: Նույնիսկ բանակցային գործընթացի մակարդակն իջեցվեց պաշտպանության նախարարների հանդիպումների մակարդակի:

Թուրքիայի պաշտպանության նախարար Յաշար Գյուլերն էլ արձագանքել էր Սիրիայի նախագահի նախկինում հնչեցրած հարաբերությունների վերականգնման մասին այն հայտարարությանը, որի համաձայն, կարգավորում հնարավոր է միայն թուրքական զորքերի՝ սիրիական տարածքներից դուրս բերման պարագայում:

«Սիրիայից Թուրքիայի դուրս գալը կարող է քննարկվել միայն նոր սահմանադրության ընդունումից, ընտրություններ անելուց և սահմանների անվտանգությունն ապահովելուց հետո»:

Աղբյուր` Diken.com.tr

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։