Թուրքիա և Իրաքի միջև Քիրքուկ-Ջեյհան նավթամուղի գործարկման շուրջ համաձայնություն չկա

Տնտեսական09:08, 02 Օգոստոս 2024

Թուրքիա և Իրաքի միջև Քիրքուկ-Ջեյհան նավթամուղի գործարկման շուրջ համաձայնություն չկա

Իրաքի նավթի նախարարության ներկայացուցիչը Քրդական «Rûdaw» մեդիատեղեկատվական ընկերության հետ զրույցում անդրադարձել է Քիրքուկ-Ջեյհան նավթամուղի շուրջ տիրող իրավիճակին:

Նա ընդգծել է, որ արդեն երկու անգամ այն փորձարկվել է, ու դրանցից և ոչ մեկի արդյունքում խնդիր ի հայտ չի եկել:

«Ուստի Քիրքուկի դաշտերից նավթի տեղափոխումը 100 տոկոսանոց պատրաստ է, սակայն Իրաքի և Թուրքիայի միջև այս հարցում համաձայնություն չկա»:

Բացի այդ, իրաքցի ներկայացուցիչը նշել է, որ ավելի վաղ թուրքական կողմը հայտնել էր Քիրքուկի նավթը եվրոպական երկրներ ուղարկելու համար նախապատրաստրաստական աշխատանքներ տանելու և համաձայնության ձեռք բերելուն պատրաստ լինելու մասին:

«Սակայն Իրաքը OPEC-ի արդյունաբերման և արտահանման չափանիշների հետ կապված որոշ խնդիրների պատճառով այս գործընթացը հետաձգել էր»,-ասել է նա:

OPEC - Նավթ արտահանող երկրների միջազգային կազմակերպություն

Հիշեցնենք, որ Միջազգային արբիտրաժային դատարանը Թուրքիային պարտավորեցրել էր 1․5 մլրդ դոլարի փոխհատուցում վճարել Իրաքին՝ այն բանի համար, որ Հյուսիսային Իրաքի ինքնավար քրդական շրջանի ղեկավարությանը թույլ էր տվել նավթ արտահանել առանց Իրաքի կենտրոնական կառավարության համաձայնության։

Դատարանը պարտավորցրել էր նաև 2023-ի մարտի 23-ից դադարեցնել Թուրքիա նավթի արտահանումը, որը սակայն Իրաքյան Քուրդսիտանի կողմից կատարվել էր 2023-ի մարտի 25-ին:

Աղբյուր` Rudaw.net