Հասարակական13:57, 02 Օգոստոս 2024
Թուրքիայում պոլսահայ գործիչը ռասիստական հարձակման է ենթարկվել
Թուրքիայի հայ համայնքի անվանի ներկայացուցիչներից Գարո Քափրիելյանը Թուրքիայի արևմտյան հատվածում՝ Մարմարա ծովի վրա գտնվող Քընալըադա կղզում ենթարկվել է ռասիստական հարձակման: Դեպքը տեղի է ունեցել կղզու խանութներից մեկում:
Հարձակման հետևանքով Քափրիելյանի կոտրվել է ստացել, իսկ դեմքի շրջանում բազմաթիվ կապտուկներ են առաջացել: Տեղի ունեցածի առնչությամբ ոստիկանությունում գործ է հարուցվել, որը շուտով պետք է ուղարկվի դատախազություն:
Պոսլահայ գործչին ծեծի ենթարկելու դեպքը չի մնացել անարձագանք. մի շարք քաղաքացիական կազմակերպություններ իրենց բողոքն արտահայտելու նպատակով ակցիաներ են իրականացնում:
Հեյբելիադայի թաղամասային խորհրդի նախաձեռնությունը X միկրոբլոգում անդրադարձել է տեղի ունեցածին:
«Խանութի աշխատակիցները, ովքեր հողազավթման պատճառով դիտողություն են ստացել Գարո Քափրիելյանի կողմից, վերջինիս հասցեին ռասիստական և սեռական բնույթի հայհոյանքներ են հնչեցրել և ծեծի ենթարկել:
Դուք մենակ չեք, Գարո Քափրիելյա՛ն»:
Թուրքիայում տեղի ունեցած խտրական այս հարձակումը դատապարտվել է նաև Ստամբուլի հայկական Սբ. Գեդիքփաշա եկեղեցու կողմից:
«Մենք տեղեկացել ենք, որ մեր համայնքի անդամ, Քընալըադայի Սուրբ Գրիգոր Լուսավորիչ եկեղեցու նախկին կենտրոնական խորհրդի ղեկավար, մեր Գեդիքփաշայի Հարյուր Մանգանց երգչախմբի անվանի անդամ և Զվարթնոց խոռի ատենապետ, մեր ախպար Գարո Քափրիելյանը նողկալի հարձակման է ենթարկվել:
Մենք իրեն մաղթում ենք առողջություն և դատապարտում այս տհաճ և խտրական հարձակումը:
Շուտափույթ ապաքինում»:
Իրեն ծեծի ենթարկելու մանրամասները Քափրիելյանը պատմել է Թուրքիայում հրատարակվող հայկական «Ակոս» շաբաթերթի հետ զրույցում:
Նրա խոսքով՝ իրենք տարիներ առաջ այդպիսի խնդիր չեն ունեցել, սակայն վերջին 2 տարում տեղի ունեցող նմանատիպ դեպքերը արդեն շատ են անհանգստացնում:
«Խանությում ես ընդհատեցի առևտուրս: Նրանք, փողոց դուրս եկան: Զավթեցին մայթերն ու բնակարանիս մուտքը: Ես խանութի կողմից բռնազավթած տարածքների մասին տեսանյութեր և լուսանկարներ էի արել: Այդ պահին խանութի մի աշխատակից փորձեց հարձակվել, այլ աշխատակիցներ միջամտեցին: Դրանից հետո, երբ պիտի մտնեի տուն, դռան մոտ ենթարկվեցի հարձակման»:
Այս ենթաբաժնի վերջին նորությունները
Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։
Թուրքական «Asal» հետազոտական ընկերությունը հարցում է անցկացրել 26 նահանգում, որին մասնակցել է 18 տարեկանից բարձր 2012 մարդ։
Ամերիկյան «Forbes» բիզնես-ամսագիրը հրապարակել է Թուրքիայի 30 միլիարդատատերերի ցանկը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Անտառային հրդեհները դեռևս չի հաջողվում վերասհկողության տակ առնել, նույնսիկ չվերթներ են հետաձգվել։
Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։
Թուրքական «Asal» հետազոտական ընկերությունը հարցում է անցկացրել 26 նահանգում, որին մասնակցել է 18 տարեկանից բարձր 2012 մարդ։
Մեծ Բրիտանիայի արտաքին գործերի նախարար Դեյվիդ Լեմմին պաշտոնական այցով մեկնել է Թուրքիա և հանդիպել Հաքան Ֆիդանի հետ։
Էրդողանը պիտի մասնակցի «Տնտեսական համագործակցության կազմակերպության» (ECO) անդամ երկրների 17-րդ գագաթնաժողովին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |