Թուրքիան մտադիր է էներգետիկայի ոլորտում համագործակցել Թուրքմենստանի հետ

Տնտեսական08:41, 31 Հուլիս 2024

Թուրքիան մտադիր է էներգետիկայի ոլորտում համագործակցել Թուրքմենստանի հետ

Թուրքիայի էներգետիկայի և բնական պաշարների նախարար Ալփարսլան Բայրաքթարը սոցցանցում կատարած գրառմամբ մանրամասներ է հայտնել Թուրքմենստանի մայրաքաղաք Աշխաբադ կատարած այցից:

Բայրաքթարը գրել է, որ հանդիպումներ է ունեցել Թուրքմենստանի էներգետիկայի նախարար Աննագելդի Սապարովի և «Türkmengeologiya» պետական կորպորացիայի նախագահ Գուրբանգելդի Գարլևի հետ:

Թուրք նախարարի խոսքով, հանդիպման ընթացքում քննարկվել են բնական գազի ոլորտում առկա համագործակցությունը, ինչպես նաև հանքարդյունաբերության ոլորտում համագործակցելու նպատակով իրականացվելիք քայլերը:

Բացի այդ, Բայրաքթարը հայտնել է, որ գործընկերներին է ներկայացրել էլեկտրաէներգիայի արդյունաբերության ոլորտում թուրքական կողմի ռազմավարությունը:

«Մենք Էլեկրաէներգիայի արդյունաբերությանը զուգահեռ ուշադրություն հրավիրեցինք մեր հարևանների և տարածաշրջանի պետությունների հետ էլեկտրաէներգիայի փոխկապակցվածությունն ընդլայնելու կարևորության վրա: Քննարկեցինք այս ոլորտներում հնարավոր համագործակցության հնարավորությունները:

Ես հավատում եմ, որ Թուրքմենստանի հետ երկար տարիներ ի վեր ունեցած լավ հարաբերությունները էլեկտրաէներգիայի ոլորտում մեր կողմից իրականացվելիք քայլերով էլ ավելի են խորանալու»,-ասել է նա:

Աղբյուր` Trthaber.com

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։