Թուրք ընդդիմադիր պատգամավոր. «Բարձիթողի քաղաքական գործիչներն այս երկրի ամենամեծ խնդիրն են»

Քաղաքական09:39, 30 Հուլիս 2024

Թուրք ընդդիմադիր պատգամավոր. «Բարձիթողի քաղաքական գործիչներն այս երկրի ամենամեծ խնդիրն են»

Հուլիսի 29-ին Թուրքիայում շարունակվել են փողոցում թափառող շների մասին օրենքի նախագծի քննարկումները:

Քննարկման ընթացքում Թուրքիայում գործող ընդդիմադիր կուսակցականները քննադատության են ենթարկել իշխանություններին:

Թուրքիայի «Աշխատավորների կուսակցության» Ստամբուլի պատգամավոր Ահմեդ Շըքը խորհրդարանի ամբիոնից ունեցած ելույթում ասել է.

«Կոտորածների ճանապարհ հարթելու համար ձեր բարձրացրած աղմուկը չեք բարձրացնում բարձիթողի քաղաքական գործիչների համար: Ինչքան էլ որ տեր ունեն, մեկ է, բարձիթողի քաղաքական գործիչներն այս երկրի ամենամեծ խնդիրն են»,-ասել է նա:

Հիշեցնենք, որ Թուրքիայում թափառող շների հարցը վերջին ժամանակահատվածում հասել էր բավական ծայրահեղ և վերջնական լուծում պահանջող վիճակի: Բազմաթիվ մարդիկ և երեխաներ Թուրքիայում ենթարկվում էին շների հարձակումների, նույնիսկ արձանագրվել էին բազմաթիվ մահվան դեպքեր:

Կարգավորման համաձայն՝ տեղական ինքնակառավարման մարմինները պարտավորվում են կազմակերպել փողոցային շների ստերջացման գործընթացը և մինչև դրանց որդեգրումը պահել կենդանիներին շների ապաստարաններում:

Աղբյուր` gazeteduvar.com.t

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։