Իրանը և Թուրքիան մտադիր են խորացնել ակադեմիական համագործակցությունը

Քաղաքական13:03, 23 Հուլիս 2024

Իրանը և Թուրքիան մտադիր են խորացնել ակադեմիական համագործակցությունը

Անկարայում Իրանի Իսլամական Հանրապետության (ԻԻՀ) արտակարգ և լիազոր դեսպան, դոկտոր Մոհամմեդ Հասսան Հաբիբոլլահ Զադենն այցելել է Աթաթյուրքի անվան համալսարան: Նրան ուղեկցել է Էրզրումում ԻԻՀ-ի գլխավոր հյուպատոս Մոհամմեդ Էբրահիմին:

Այցի շրջանակներում Զադեհը հանդիպել է համալսարանի ռեկտոր, պրոֆեսոր Օմեր Չոմաքլըի հետ:

Կողմերը մտքեր են փոխանակել երկու երկրների միջև առկա հարաբերությունների ամրապնդման և համալսարանների միջև համագործակցության խորացման շուրջ:

Զադեհն ուշադրություն է հրավիրել Թուրքիայի և Իրանի միջև առկա բարեկամական և հարևանական հարաբերությունների վրա՝ դրանք որակելով արմատական, ինչպես նաև շեշտել ակադեմիական մակարդակում դրանց զարգացման անհրաժեշտությունը:

Չոմաքլըն, ի պատասխան նման դիտարկման, ասել է.

«Իրանի հետ մեր ունեցած մշակութային և աակադեմիական կապերը ներդրում են ունենալու երկու երկրների ապագայի հարցում: Մենք կարող ենք էլ ավելի առաջ մղել մեր համալսարանների միջև ձևավորվելիք համագործակցությունը, գիտական հետազոտություններն ու կրթության որակը»:

Իրանցի դիվանագետը շնորհակալություն է հայտնել հյուրընկալության համար և ուշադրություն հրավիրել երկու երկրների միջև կրթական և հետազոտական ոլորտներում առկա ներուժի վրա՝ այն որակելով հսկայական:

Այս համատեքստում Զադեհը ևս կիսել է համալսարանների միջև համատեղ ծրագրերի մշակման Չոմաքլըի տեսակետը և կարևորել դրանք՝ երկրների բարեկեցիկ ապագայի հարցում ներդրում ունենալու տեսանկյունից:

Կողմերը քննարկել են նաև ուսանողների փոխանակման ծրագրերի վերաբերյալ հարցեր և որոշում կայացրել փոխադարձ քայլեր ձեռնարկել՝ երկու երկրների համալսարանների միջև համաձայնագրերի կնքման և կրթության ոլորտում համագործակցության ձևավորման համար:

ԻԻՀ-ի դեսպանին ուղեկցող գլխավոր հյուպատոս Էբրահիմին էլ իր հերթին կարևորել է Աթաթյուրքի անվան համալսարանը՝ ուշադրություն հրավիրելով տարածաշրջանի զարգացման հարցում, իր որակմամբ, համալսարանի ունեցած դերի վրա:

«Աթաթյուրքի համալսարանի հետ մեր կողմից ստեղծվելիք ամուր համագործակցությունը ամրապնդելու է ոչ միայն մեր ակադեմիական, այլև մշակութային հարաբերությունները»:

Այցի ավարտին կողմերը փոխանակվել են նվերներով:

Աղբյուր` msn.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։